മേപ്പയ്യൂരില്‍ സ്‌കൂട്ടര്‍ മിനിലോറിയുമായി കൂട്ടിയിടിച്ച് അപകടം; ഒരാള്‍ മരിച്ചു, ഒരാള്‍ക്ക് ഗുരുതര പരിക്ക്
മേപ്പയ്യൂര്‍: കൂനം വെള്ളിക്കാവില്‍ സ്‌കൂട്ടര്‍ മിനി ലോറിയുമായി കൂട്ടിയിടിച്ച് അപകടം. ഇന്ന് വൈകീട്ട് 6.30 യോടെയാണ് സംഭവം.
കാഞ്ഞിരമുക്ക് അമ്പലത്തിന് സമീപത്ത് വെച്ചാണ് അപകടം. മേപ്പയ്യൂര്‍ ഭാഗത്ത് നിന്നും വരികയായിരുന്ന മിനി ലോറിയും പേരാമ്പ്ര ഭാഗത്ത് നിന്നും വരുന്ന സ്‌കൂട്ടറുമാണ് അപകടത്തില്‍പ്പെട്ടത്.
അപകടത്തില്‍ കൊയിലാണ്ടി സ്വദേശി മരിച്ചു. അപകടത്തില്‍ ഗുരുതരമായി കാലിന് പരിക്കേറ്റയാളെ പേരാമ്പ്ര ഇ എം.എസ്. ആശുപത്രിയില്‍ പ്രവേശിപ്പിച്ചെങ്കിലും പ്രാഥമിക ചികിത്സക്കു ശേഷം വിദഗ്ധ ചികിത്സക്കായി കോഴിക്കോട് മെഡിക്കല്‍ കോളജിലേക്ക് മാറ്റി.