കുട്ടികളുടെ സര്‍ഗവാസനകള്‍ പരിപോഷിപ്പിക്കാന്‍ ‘സാക്ഷ്യം’ പത്രവുമായി പെരുവട്ടൂര്‍ എല്‍.പി സ്‌കൂള്‍
കൊയിലാണ്ടി: പെരുവട്ടൂര്‍ എല്‍.പി സ്‌കൂളിലെ വിദ്യാര്‍ത്ഥികള്‍ തയ്യാറാക്കിയ കുട്ടികളുടെ പത്രം ‘സാക്ഷ്യം’ പ്രകാശനം ചെയ്തു. കുട്ടികളുടെ സര്‍ഗ വാസനകള്‍ പരിപോഷിപ്പിക്കുന്നതിന്റെ ഭാഗമായാണ് കുട്ടികളുടെ പത്രം ഒരുക്കിയത്.
[ad1]
വാര്‍ഡ് കണ്‍സിലര്‍ ജിഷ പുതിയേടത്താണ് പത്രം പ്രകാശനം ചെയ്തത്. കൊറോണ കാലഘട്ടത്തില്‍ ഓണ്‍ലൈന്‍ വായനയും, കലോത്സവവും, ഉള്‍പ്പെടെ നിരവധി പരിപാടികള്‍ നടത്തിയ പെരുവട്ടൂര്‍ എല്‍.പി സ്‌കൂളിലെ മറ്റൊരു വേറിട്ട പദ്ധതിയാണ് കുട്ടികളുടെ പത്രം. എല്ലാ വര്‍ഷവും സ്‌കൂളില്‍ പത്രം ഇറക്കാറുണ്ട്.
[ad2]
ചടങ്ങില്‍ പി.ടി.എ പ്രസിഡന്റ് ശ്രീഹരി പി അധ്യക്ഷത വഹിച്ചു. കൗണ്‍സിലര്‍മാരായ ചന്ദ്രിക, സുധ.കെ.പി, പ്രധാനാധ്യാപിക സൗമിനി, ഇ.ഷെജ ശ്രീലകം, ഇന്ദിര ടീച്ചര്‍, സിറാജ് ഇയ്യഞ്ചേരി, ഉഷശ്രീ ടീച്ചര്‍ തുടങ്ങിയവര്‍ സംസാരിച്ചു.
