വാര്‍ഷികാഘോഷത്തോടനുബന്ധിച്ച് ഓപ്പണ്‍ ചെസ്സ് ടൂര്‍ണമെന്റുമായി സൈരി തിരുവങ്ങൂര്‍
തിരുവങ്ങൂര്‍: സൈരി തിരുവങ്ങൂരിന്റെ 51ാം വാര്‍ഷികത്തോടനുബന്ധിച്ച് ഓപ്പണ്‍ ചെസ്സ് ടൂര്‍ണമെന്റ് സംഘടിപ്പിച്ചു. ജില്ലാ ലൈബ്രറി കൗണ്‍സില്‍ അംഗം എന്‍.ടി.മനോജ് ഉദ്ഘാടനം ചെയ്തു. നിരവധിപേര്‍ പങ്കെടുത്ത മത്സരത്തില്‍ സീനിയര്‍ വിഭാഗത്തില്‍ അഷ്റഫ് ആയഞ്ചേരി ഒന്നാം സ്ഥാനവും, സന്തോഷ് കുമാര്‍, എന്‍.കെ.ഹാരിസ് എന്നിവര്‍ രണ്ടും മൂന്നും സ്ഥാനങ്ങളും നേടി.
ജൂനിയര്‍ വിഭാഗത്തില്‍ സിദ്ധാര്‍ഥ് മനോജ് ഒന്നാം സ്ഥാനവും, എസ്.എസ്.ആരോണ്‍, നസിയ അബ്ദുല്‍കരിം രണ്ടും മൂന്നും സ്ഥാനങ്ങള്‍ നേടി. വിജയികള്‍ക്ക് ക്യാഷ് പ്രൈസ്ലും മെമെന്റോവും സ്വാഗതസംഘം ചെയര്‍മാന്‍ കെ.രഘുമാസ്റ്റര്‍ വിതരണം ചെയ്തു. കെ.വി സന്തോഷ് സംസാരിച്ചു. പി.കെ.പ്രസാദ് അധ്യക്ഷനായ ചടങ്ങില്‍ ഉണ്ണി മാടഞ്ചേരി സ്വാഗതവും, സജീവന്‍ ജെ.പി നന്ദിയും പറഞ്ഞു.