കക്കോടി: ടോപ് സിംഗര്‍ സീസണ്‍ 3 സെമി ഫൈനല്‍ മത്സരങ്ങള്‍ പുരോഗമിക്കുമ്പോള്‍ കോഴിക്കോടിന് അഭിമാനമായി കക്കോടി സ്വദേശിനി റിധിക.പി.ദീപക്. പതിനൊന്നാം റൗണ്ട് മത്സരങ്ങളാണ് ഇപ്പോള്‍ നടക്കുന്നത്. എട്ട് പാട്ടുകളാണ് സെമിഫൈനലിലുള്ളത്. ഇതില്‍ രണ്ട് പാര്‍ട്ടുകള്‍ ഇതിനകം മത്സരാര്‍ത്ഥികള്‍ ആലപിച്ചു കഴിഞ്ഞു.

കക്കോടി സ്വദേശികളായ ദീപക്-റിനി ദമ്പതികളുടെ മകളാണ് റിധിക. അമ്മ റിനിയാണ് റിധികയുടെ സംഗീത ജീവിതത്തിലെ പ്രധാന വഴികാട്ടി. കോഴിക്കോട് പ്രതാപന്റെ ശിക്ഷണത്തില്‍ കഴിഞ്ഞ നാലുവര്‍ഷമായി ശാസ്ത്രീയ സംഗീതം പഠിക്കുന്നുണ്ട്.