നന്തി ബസാർ: കടലൂർ നുസ്രത്തുൽ ഇസ്ലാം ഓഡിറ്റോറിയത്തിൽ റമദാൻ പ്രഭാഷണം നടത്തി. കടലൂർ കുഞ്ഞിത്തയ്യിൽ നന്തി മഹല്ല് കോഡിനേഷൻ കമ്മിറ്റിയാണ് പരിപാടി സംഘടിപ്പിച്ചത്.  കോ-ഓർഡിനേഷൻ കമ്മറ്റിയുടെ ചെയർമാനും നന്തി ദാറുസ്സലാം ദഅ്‌വാ കോളേജ് പ്രിൻസിപ്പളുമായ തെഖിയുദ്ധീൻ ഹൈതമി ഉദ്ഘാടനം ചെയ്തു.

മുഹമമദലി ദാരിമി ശ്രീകണ്ഠപുരം അദ്ധ്യക്ഷനായി. വിജയത്തിലേക്കുള്ള പാത എന്ന വിഷയത്തിൽ ഉസ്താദ് അബൂബക്കർ ഹുദവി മുണ്ടംപറമ്പ് പ്രഭാഷണം നടത്തി. മുഹ്‌യുദ്ദീൻ ജുമാ മസ്ജിദ് ഖത്തീബ് നവാഫ് ദാരിമി, കുഞ്ഞിതയ്യിൽ മസ്ജിദ് ഖത്തീബ് തെമിം ഹൈതമി, കടലൂർ ജുമാ മസ്ജിദ് മഹല്ല് പ്രസിഡന്റ് ടി.കെ.നാസർ, കുഞ്ഞിത്തയ്യിൽ ജുമാ മസ്ജിദ് മഹല്ല് പ്രസിഡന്റ്  കോവുമ്മൽ അഹമ്മദ്‌, കടലൂർ നുസ്രത്തുൽ ഇസ്ലാം മദ്രസ പ്രസിഡന്റ് കെ.ഉമ്മർ ഹാജി എന്നിവർ സംസാരിച്ചു.

കൺവീനർ സി.കെ.സുബൈർ സ്വാഗതവും സി.കെ.അബൂബക്കർ നന്ദിയും പറഞ്ഞു. അബ്ദുൾ വാജിദ് ഹൈത്തമിഖിറാഅത്ത് നടത്തി.