---

അരിക്കുളം: മഴക്കാല പൂവ്വരോഗങ്ങൾ തടയുന്നതിന്റെ ഭാഗമായി ഊട്ടേരിയിൽ പൊതുശുചികരണം നടത്തി. ഇതിന്റെ ഭാഗമായി വാർഡിലെ റോഡുകളും പൊതുസ്ഥലങ്ങളും ജലാശയങ്ങളും ശുചീകരിച്ചു. തൊഴിലുറപ്പ്, കുടുംബശ്രീ, സാമുഹ്യ പ്രവർത്തകർ എന്നിവർ പങ്കെടുത്തു.

വാർഡ് തല ഉദ്ഘാടനം മുൻ ഗ്രാമപഞ്ചായത്ത് പ്രസിഡന്റ് എ.കെ.എൻ.അടിയോടി നിർവ്വഹിച്ചു. വികസന സ്ഥിരം സമിതി ചെയർമാൻ എം.പ്രകാശൻ അധ്യക്ഷത വഹിച്ചു. ലസിത അത്യോട്ട്, വി.പി.ഗോവിന്ദൻ എന്നിവർ സംസാരിച്ചു.

പ്രദേശത്തെ വളരെ പഴക്കം ചെന്ന ഊട്ടേരി കുളവും ഇതിനൊപ്പം ശുചീകരിച്ചു. കുളം ശുചീകരണം അരിക്കുളം പഞ്ചായത്ത് വികനസ്ഥിരം സമിതി ചെയർമാൻ എം.പ്രകാശൻ ഉദ്ഘാടനം ചെയ്തു. യു.എം.ബിന്ദു, യു.എം.കവിത, ഗീത ചെത്തിൽ, എ.എം.ശോഭ എന്നിവർ നേതൃത്വം നൽകി.