താമരശേരിയില്‍ ട്യൂഷന്‍ കഴിഞ്ഞ് പോകുകയായിരുന്ന വിദ്യാര്‍ഥിനിയെ കടന്നുപിടിച്ചു; പോക്‌സോ കേസില്‍ ഉത്തര്‍പ്രദേശ് സ്വദേശി അറസ്റ്റില്‍
കോഴിക്കോട്: താമരശേരിയില്‍ ട്യൂഷന്‍ കഴിഞ്ഞ് വീട്ടിലേക്ക് പോകുകയായിരുന്ന വിദ്യാര്‍ഥിനിയെ ബൈക്കിലെത്തി കടന്നുപിടിച്ച ഇതരസംസ്ഥാന തൊഴിലാളി അറസ്റ്റില്‍. ഉത്തര്‍പ്രദേശ് മുറാദാബാദ് ജില്ലയിലെ ഓബ്രി സ്വദേശിയായ 22 കാരന്‍ സല്‍മാനാണ് അറസ്റ്റിലായത്. താമരശേരി പൊലീസ് ഇയാള്‍ക്കെതിരെ പോക്‌സോ വകുപ്പുകള്‍ ചുമത്തി കേസെടുത്തു.
ഇയാള്‍ കടന്നുപിടിച്ചതോടെ വിദ്യാര്‍ഥിനി ബഹളം വയ്ക്കുകയും നാട്ടുകാര്‍ ഓടിക്കൂടുകയുമായിരുന്നു. ബൈക്കില്‍ രക്ഷപ്പെടാന്‍ ശ്രമിച്ച പ്രതിയെ നാട്ടുകാര്‍ പിന്തുടര്‍ന്ന് പിടികൂടുകയായിരുന്നു.
