ഉപജില്ലാ ശാസ്ത്രമേളയില്‍ എല്‍.പി വിഭാഗം ഓവറോള്‍ കിരീടം നേടിയ പിഷാരികാവ് ദേവസ്വം എല്‍.പി സ്‌കൂളിന് മാനേജ്‌മെന്റിന്റെ സ്‌നേഹാദരവ്
കൊയിലാണ്ടി: ഉപജില്ല ശാസ്‌ത്രോത്സവത്തില്‍ ശാസ്ത്രമേളയില്‍ എല്‍.പി വിഭാഗം ഓവറോള്‍ കിരീടം നേടിയ
പിഷാരികാവ് ദേവസ്വം എല്‍.പി സ്‌കൂളിന് മാനേജ്‌മെന്റിന്റെ സ്‌നേഹാദരവ്. സ്‌കൂള്‍ മാനേജറും മലബാര്‍ ദേവസ്വം അസിസ്റ്റന്റ് കമ്മീഷണറുമായ പ്രമോദ് കുമാര്‍ കെ.കെ അധ്യക്ഷം വഹിച്ച ചടങ്ങ് പിഷാരികാവ് ട്രസ്റ്റിബോര്‍ഡ് ചെയര്‍മാന്‍ ഇളയിടത്ത് വേണുഗോപാല്‍ ഉദ്ഘാടനം ചെയ്തു.
ട്രസ്റ്റി ബോര്‍ഡ് അംഗങ്ങളായ അപ്പുകുട്ടി നായര്‍, നാരായണന്‍കുട്ടി നായര്‍, രാധാകൃഷ്ണന്‍, ബാലകൃഷ്ണന്‍, പ്രധാന അധ്യാപിക ബിനിത. ആര്‍ എന്നിവര്‍ ചടങ്ങില്‍ സംബന്ധിച്ചു. ദേവസ്വം മാനേജര്‍ ഭാസ്‌കരന്‍ സ്വാഗതവും ദേവസ്വം ജീവനക്കാരന്‍ രാകേഷ് നന്ദിയും പറഞ്ഞു.
Summary: Pisharikav Devaswom LP School won the LP category overall title in the Upazila Sastra Mela Management’s appreciation.