കൊയിലാണ്ടി സബ് ജില്ല ശാസ്ത്രമേളയില്‍ ഓവറോള്‍ ചാമ്പ്യന്‍ഷിപ്പ് കരസ്ഥമാക്കി പിഷാരികാവ് ദേവസ്വം കൊല്ലം എല്‍.പി സ്‌കൂള്‍; മികച്ച പ്രകടനം കാഴ്ചവെച്ച് വിദ്യാര്‍ത്ഥികളെ അനുമോദിച്ച് സ്‌കൂള്‍
കൊയിലാണ്ടി: കൊയിലാണ്ടി സബ് ജില്ലയില്‍ ശാസ്ത്രമേളയില്‍ ഓവറോള്‍ ചാമ്പ്യന്‍ഷിപ്പ് കരസ്ഥമാക്കിയ വിജയികളെ അനുമോദിച്ച് പിഷാരികാവ് ദേവസ്വം കൊല്ലം എല്‍.പി സ്‌കൂള്‍. സ്‌കൂളില്‍ നിന്നും കൊയിലാണ്ടി സബ് ജില്ല ശാസ്ത്രമേളയില്‍ പങ്കടുത്ത് ഓവറോള്‍ ചാമ്പ്യന്‍ഷിപ്പ് കരസ്ഥമാക്കിയ വിദ്യാര്‍ത്ഥികളെയും പ്രവര്‍ത്തിപരിചയമേളയിലും കായികമേളയിലും മികച്ച വിജയം കൈവരിച്ച പ്രതിഭകളെയും അനുമോദിച്ചു.
അനുമോദന സദസ്സ് സ്‌കൂള്‍ മാനേജറും മലബാര്‍ ദേവസ്വം അസിസ്റ്റന്റ് കമ്മീഷണറുമായ പ്രമോദ് കുമാര്‍ കെ.കെ ഉദ്ഘാടനം ചെയ്തു. പ്രധാന അധ്യാപിക ബിനിത .ആര്‍ സ്വാഗതം പറഞ്ഞ ചടങ്ങില്‍ വാര്‍ഡ് കൗണ്‍സിലര്‍ ഫക്രുദീന്‍ മാസ്റ്റര്‍ അധ്യക്ഷത വഹിച്ചു.
മികച്ച വിജയം കൈവരിച്ച പ്രതിഭകള്‍ക്ക് പ്രമോദ് കുമാര്‍ സമ്മാനദാനം നല്‍കി. പി.ടി.എ പ്രസിഡണ്ട് സുധീഷ് എ.പി, വൈസ് പ്രസിഡണ്ട് തസ്‌നിയ, ദേവസ്വം മാനേജര്‍ വി.പി ഭാസ്‌കരന്‍, രാകേഷ്, ശശി മാസ്റ്റര്‍, മുഹമ്മദ് ഷഫീക്ക് മാസ്റ്റര്‍, എന്നിവര്‍ ചടങ്ങില്‍ പങ്കെടുത്ത് സംസാരിച്ചു.
