പയ്യോളി: ഓട്ടോറിക്ഷയും പിക്കപ്പും കൂട്ടിയിടിച്ച് പയ്യോളിയിൽ അപകടം. രണ്ടു പേർക്ക് പരിക്ക്. ദേശീയ പാതയിൽ മൂരാട് ഓയിൽ മില്ലിന് സമീപമാണ് അപകടമുണ്ടായത്. ഭക്ഷണവുമായി പോവുകയായിരുന്ന ഓട്ടോറിക്ഷയിലാണ് പിക്ക് അപ്പ് ലോറിയിടിച്ച്ത്.
ഇടിയുടെ ആഘാതത്തിൽ ഓട്ടോറിക്ഷ പൂർണമായും തകർന്നു.

ഇന്ന് ഉച്ചയ്ക്ക് പന്ത്രണ്ടരയോടെയാണ് സംഭവം. ഭക്ഷണവുമായി പയ്യോളി ഭാഗത്തേക്ക് പോവുകയായിരുന്ന ഓട്ടോറിക്ഷയിൽ അഴൂർ ഭാഗത്തേക്ക് പൊയ്ക്കൊണ്ടിരുന്ന പിക്ക് അപ്പ് ലോറി ആണ് ഇടിച്ചത്. പാൽപൊടിയുമായി പോവുകയായിരുന്നു ലോറി. ഓട്ടോ പൂർണ്ണമായും തകർന്ന അവസ്ഥയിലാണ്. പരിക്കേറ്റവരെ ഉടൻ തന്നെ വടകര സഹകരണ ആശുപത്രിയിൽ എത്തിച്ചു.

അപകടത്തിൽ തകർന്ന് മറിഞ്ഞ ഓട്ടോറിക്ഷയുടെ അടിയിൽ നിന്നുമാണ് ഒരു യാത്രികനെ രക്ഷപ്പെടുത്തിയത്. പിക്കപ്പ് ലോറി ഏറെ ദൂരത്തോളം റോഡിലൂടെ ഓട്ടോറിക്ഷയെ തള്ളിയിഴച്ചുക്കൊണ്ടുപോയി എന്നതാണ് വിവരം.