പേരാമ്പ്ര ബ്ലോക്കിലെ ഹരിത കര്‍മസേനാംഗങ്ങള്‍ക്ക് ആദരം
പേരാമ്പ്ര: ശുചിത്വ മാലിന്യ പരിപാലന പ്രവര്‍ത്തനത്തില്‍ സജീവസാന്നിധ്യമായ പേരാമ്പ്ര ബ്ലോക്കിലെ ഹരിത കര്‍മസേനാംഗങ്ങളെ പേരാമ്പ്ര ബ്ലോക്ക് പഞ്ചായത്ത് ഉപഹാരം നല്‍കി ആദരിച്ചു. പേരാമ്പ്ര റീജ്യനല്‍ കോ ഓപറേറ്റീവ് ബാങ്ക് ഓഡിറ്റോറിയത്തില്‍ ചേര്‍ന്ന ആദരിക്കല്‍ ചടങ്ങ് ബ്ലോക്ക് പഞ്ചായത്ത് പ്രസിഡന്റ് എന്‍.പി.ബാബു ഉദ്ഘാടനം ചെയ്തു. വൈസ് പ്രസിഡന്റ് സി.കെ.പാത്തുമ്മ അധ്യക്ഷയായി.
ഹരിത കേരള മിഷന്‍ ജില്ലാ കോഡിനേറ്റര്‍ പി.പ്രകാശ്, ബ്ലോക്ക് പഞ്ചായത്ത് ആസൂത്രണ സമിതി ഉപാധ്യക്ഷന്‍ എം.കുഞ്ഞമ്മത്, ബ്ലോക്ക് പഞ്ചായത്ത് സ്റ്റാന്റിങ്ങ് കമ്മിറ്റി ചെയര്‍മാന്‍മാരായ കെ.സജീവന്‍, പി.കെ.രജിത, ബ്ലോക്ക് പഞ്ചായത്തംഗങ്ങളായ പി.ടി.അഷറഫ്, കെ.കെ.ലിസി എന്നിവര്‍ സംസാരിച്ചു.
ശുചിത്വമിഷന്‍ ജില്ലാ അസിസ്റ്റന്റ് കോഡിനേറ്റര്‍ കെ.പി.രാധാകൃഷ്ണന്‍ മഴക്കാല പൂര്‍വശുചീകരണപ്രവര്‍ത്തന ബോധവല്‍ക്കരണ ക്ലാസെടുത്തു. ആരോഗ്യ വിദ്യാഭ്യാസ സ്റ്റാന്റിങ്ങ് കമ്മിറ്റി ചെയര്‍മാന്‍ ശശികുമാര്‍ പേരാമ്പ്ര സ്വാഗതവും ബ്ലോക്ക് പഞ്ചായത്ത് സെക്രട്ടറി പി.വി.ബേബി നന്ദിയും പറഞ്ഞു
