കൊയിലാണ്ടി: ബൈക്കിടിച്ച് കാല്‍നടയാത്രക്കാരന്‍ മരിച്ചു. കക്കഞ്ചേരി സ്വദേശി പന്നിക്കോട്ടൂര്‍ മീത്തല്‍ നാരായണന്‍ ആണ് മരിച്ചത്. അമ്പത്തിയാറ് വയസായിരുന്നു. ഇന്നലെ രാത്രി ഒമ്പത് മണിയോട് കൂടിയായിരുന്നു സംഭവം.

മുണ്ടോത്ത് റോഡ് മുറിച്ച് കടക്കവെ അമിത വേഗതയിലെത്തിയ ബൈക്ക് നാരായണനെ ഇടിച്ചു വീഴ്ത്തുകയായിരുന്നു. ഗുരുതരമായ പരിക്കേറ്റ ഇയാളെ നാട്ടുകാര്‍ കൊയിലാണ്ടി താലൂക്ക് ആശുപത്രിയില്‍ എത്തിച്ചെങ്കിലും മരണം സംഭവിച്ചിരുന്നു.

പന്നികോടത്ത് മീത്തല്‍ നല്ലാളന്‍- അരിയായി ദമ്പതികളുടെ മകനാണ്. സഹോദരങ്ങള്‍: മാധവി, പെണ്ണുകുട്ടി, ചെറിയപ്പെണ്ണ്, ദേവി