കൊയിലാണ്ടി: കൊയിലാണ്ടിയിൽ കോൺഗ്രസ്സ് നടത്തിയ പ്രകടനത്തിന് നേരെയുണ്ടായ ആക്രമണത്തിൽ ഒരാൾക്ക് പരിക്ക്. കോൺഗ്രസ് നടത്തിയ പ്രകടനത്തിനിടയിലേക്ക് ഡി.വൈ.എഫ്.ഐ പ്രവർത്തകർ തള്ളി കയറി ആക്രമണം നടത്തുകയായിരുന്നു എന്നാണ് ആരോപണം. ഇന്ന് വൈകുന്നേരമാണ് സംഭവം.

രാഹുൽ ഗാന്ധിക്ക് എതിരെ കള്ള കേസ്സടുത്ത ഇ.ഡി നടപടിയിൽ പ്രതിഷേധിച്ച കോൺഗ്രസ്സ് നേതാക്കൾക്കെതിരെ പോലീസ് അതിക്രമത്തിൽ പ്രതിഷേധിച്ചായിരുന്നു കൊയിലാണ്ടിയിൽ പ്രകടനം നടത്തിയത്.

പ്രകടനത്തിനിടയിലേക്ക് ഡി.വൈ.എഫ്.ഐ പ്രവർത്തകർ തള്ളി കയറുകയായിരുന്നുവെന്ന് ബ്ലോക്ക് കോൺഗ്രസ്സ് പ്രസിഡന്റ് വി.വി സുധാകരൻ പറഞ്ഞു. അക്രമത്തിൽ നോർത്ത് മണ്ഡലം കോൺഗ്രസ്സ് പ്രസിഡന്റ് കെ.പി നിഷാദിനാണ് പരിക്ക് പറ്റിയത്.

ബ്ലോക്ക് കോൺഗ്രസ്സ് പ്രസിഡന്റ് വി.വി. സുധാകരൻ, പി. രത്നവല്ലി, രാജേഷ് കീഴരിയൂർ, വി.ടി. സുരേന്ദ്രൻ ,കെ.പി. നിഷാദ്, എം സതീഷ് കുമാർ , കെ.പി.വിനോദ് കുമാർ പി.അബ്ദുൾ ഷുക്കൂർ , മുരളി തോറോത്ത്, പി.വി വേണുഗോപാൽ, പി.കെ പുരുഷോത്തമൻ , സി.കെ അരുൺ തൻഹീർ കൊല്ലം എന്നിവർ പ്രകടനത്തിന് നേതൃത്യം നൽകി.

മുഖ്യമന്ത്രി പിണറായി വിജയനെ വിമാനത്തിൽ വെച്ച് അക്രമിക്കാൻ ശ്രമിച്ച യൂത്ത് കോൺഗ്രസ്സ് നടപടിയിൽ പ്രതിഷേധിച്ച് പൂക്കാട് ടൗണിൽ ഡി .വൈ.എഫ്.ഐ പ്രതിഷേധ പ്രകടനം നടത്തി. ജില്ലാ സെക്രട്ടറിയറ്റ് അംഗം ബി.പി ബബീഷ് ഉദ്ഘാടനം ചെയ്തു. ബ്ലോക്ക്‌ പ്രസിഡന്റ്‌ കെ.കെ സതീഷ് ബാബു അധ്യക്ഷത വഹിച്ചു. അനുഷ പി.വി, ഫിറോസ്‌ ഖാൻ എന്നിവർ സംസാരിച്ചു. നിതിൻ ലാൽ സ്വാഗതം പറഞ്ഞു.