കാരയാട്: അരിക്കുളം മണ്ഡലം ഏക്കാട്ടൂർ 150 ബൂത്ത് കോൺ​ഗ്രസ് കമ്മിറ്റിയുടെ ആഭിമുഖ്യത്തിൽ വെള്ളറങ്കോട്ട് താഴെ ഓണാഘോഷവും കുടുംബസം​ഗമവും സംഘടിപ്പിച്ചു. പ്രശസ്ത ​ഗാനരചയിതാവ് രമേശ് കാവിൽ ഉദ്ഘാടനം ചെയ്തു. മഹത്തായ വൈവിധ്യങ്ങളുടെ സന്ദേശമാണ് ഇന്ത്യ ലോകത്തിന് പഠിപ്പിച്ചുകൊടുത്തത്. എന്നാൽ പുതിയ കാലത്ത് രാഷ്ട്രത്തിന്റെ ഐക്യത്തെ തകർക്കുന്ന തരത്തിലുള്ള വിഭാ​ഗീയ പ്രവർത്തനങ്ങൾ ഭരണകൂടത്തിന്റെ ഒത്താശയോടെ വ്യാപകമാണെന്നും ജനാധിപത്യം ഭീഷണിയിലാണെന്നും അദ്ദേഹം ഉദ്ഘാടന പ്രസം​ഗത്തിൽ പറഞ്ഞു.

കേരളത്തെ കൊള്ളയടിക്കുന്ന പിണറായിയുടെ ഭരണം ജനങ്ങൾക്ക് സമ്മാനിച്ചത് വറുതിയുടെ ഓണമാണെന്നും അഴിമതി മാത്രമാണ് ഇടതുഭരണത്തിൽ നടക്കുന്നുള്ളൂവെന്നും ഡി സി സി ജനറൽ സെക്രട്ടറി നിജേഷ് അരവിന്ദ് പറഞ്ഞു. ചടങ്ങിൽ മുഖ്യപ്രഭാഷണം നിർവഹിക്കുകയായിരുന്നു അദ്ദേഹം. ബൂത്ത് പ്രസിഡന്റ് കെ കെ കോയക്കുട്ടി അധ്യക്ഷത വഹിച്ചു.

മേപ്പയ്യൂർ ബ്ലോക്ക് കോൺ​ഗ്രസ് പ്രസിഡന്റ് കെ പി രാമചന്ദ്രൻ, മണ്ഡലം കോൺ​ഗ്രസ് പ്രസിഡന്റ് ശശി ഊട്ടേരി, കെ അഷറഫ്, അനസ് കാരയാട്, കെ പി വേണു​ഗോപാൽ, സി രാമദാസ്, മഹിള കോൺ​ഗ്രസ് മണ്ഡലം പ്രസിഡന്റ് പി എം, രാധ, പി കെ കെ ബാബു, പത്മനാഭൻ പുതിയേടത്ത്, ഹാഷിം കാവിൽ, ലതേഷ് പുതിയേടത്ത്, സി എം ​​ഗോപാലൻ, പി എം വിശ്വനാഥൻ, കെ കെ നാരായണൻ, സി അമ്മദ് എന്നിവർ സംസാരിച്ചു.

500ൽ അധികം ആളുകൾ ​പങ്കെടുത്ത സം​ഗമത്തിൽ ഓണസദ്യയും കമ്പവലി അടക്കമുള്ള കായിക മത്സരങ്ങളും വിവിധ കലാ പരിപാടികളും അരങ്ങേറി. വിവിധ മത്സരങ്ങളിൽ വിജയികളായ സീനിയർ, ജൂനിയർ, സബ് ജൂനിയർ വിഭാ​ഗങ്ങളിലുള്ളവർക്ക് സമ്മാനവും നൽകി.

Summary: Onam celebration and family gathering of Congress in Ekatur