വെള്ളിയൂര്‍: പേരാമ്പ്ര ഉപജില്ലാ കലോത്സവത്തിന്റെ ഭാഗമായി ചാലിക്കരയില്‍ നിന്ന് സാംസ്‌കാരിക ഘോഷയാത്ര നടന്നു. നൊച്ചാട് ഗ്രാമപഞ്ചായത്ത് പ്രസിഡന്റ് ശാരദ പട്ടേരി കണ്ടി, പേരാമ്പ്ര എ.ഇ.ഒ.കെ.വി.പ്രമോദ്, ബിന്ദു എം.(പ്രധാനാധ്യാപിക, നൊച്ചാട് എച്ച്.എസ്.എസ്.), പി.ടി.എ.പ്രസിഡന്റ് കെ.പി.റസാഖ്, വിവിധ വാര്‍ഡ് മെമ്പര്‍മാരായ മധു കൃഷ്ണന്‍, സനില ചെറുവറ്റ, ഷിജി കൊട്ടാരക്കല്‍, ലിമ എന്നിവരും എടവന സുരേന്ദ്രന്‍, പി.പി.മുഹമ്മദ് ചാലിക്കര, എസ്.കെ.അസൈ നാര്‍, ടി.കെ.ഇബ്രാഹിം, ഇ.ടി.ഹമീദ്, കിളിയായി ഹമീദ് (സ്വാഗത സംഘം ഘോഷയാത്ര കണ്‍വീനര്‍) എന്നിവര്‍ നേതൃത്വം കൊടുത്തു.

തുടര്‍ന്ന് സ്‌കൂള്‍ ഗ്രൗണ്ടില്‍ നടന്ന സാംസ്‌കാരിക സമ്മേളനം കോഴിക്കോട് ജില്ലാ വിദ്യാഭ്യാസ ഓഫീസര്‍ മനോജ് മണിയൂര്‍ ഉദ്ഘാടനം നിര്‍വഹിച്ചു. നൊച്ചാട് ഗ്രാമപഞ്ചായത്ത് പ്രസിഡന്റ് ശാരദ പട്ടേരിക്കണ്ടി അദ്ധ്യക്ഷത വഹിച്ചു. ഡോ:എ.കെ.അബ്ദുള്‍ ഹക്കിം, രാജന്‍ തിരുവോത്ത്, രമേശ് കാവില്‍, മുഹമ്മദ് പേരാമ്പ്ര, വീരാന്‍ കുട്ടി എന്നിവര്‍ ആശംസകള്‍ അര്‍പ്പിച്ചു. പ്രകാശന്‍ വെള്ളിയൂര്‍, ശ്രീജിത്ത് കൃഷ്ണ, പാര്‍വണ അഭിലാഷ്, ശിവാനി, പി.ടി.എ.പ്രസിഡന്റ് കെ.പി.റസാഖ് എന്നിവര്‍ വേദിയില്‍ സന്നിഹിതരായി. വി.എം.അഷ്‌റഫ് സ്വാഗതവും സനില ചെറുവറ്റ നന്ദിയും പറഞ്ഞു. വിവിധ മേഖലകളില്‍ കഴിവ് തെളിയിച്ച പ്രതിഭകളെ വേദിയില്‍ സ്‌നേഹാദരം നല്കി.

Summary: Nochad Higher Secondary School welcomes Perambra sub district School Arts Festival