കൊയിലാണ്ടി: വിദേശത്തുനിന്ന് കുടുംബത്തോടൊപ്പം നാട്ടിലെത്തിയതായിരുന്നു തിരുവങ്ങൂർ സ്വദേശി ഷിജിൻ കൃഷ്ണ. എപ്രിലിൽ നടക്കാനിരിക്കുന്ന സഹോദരന്റെ കല്യാണം കുടുംബത്തോടൊപ്പം ആഘോഷിക്കാനാണ് ഷിജിൻ നാട്ടിലെത്തിയത്. എന്നാൽ വാഹനാപകടത്തിന്റെ രൂപത്തിൽ ഷിജിനെ മരണം കവർന്നെടുത്തു. ഇന്നലെ രാത്രി ടാങ്കർ ലോറി ബൈക്കിലിടിച്ചുണ്ടായ അപകടത്തിലാണ് തിരുവങ്ങൂർ, തെറ്റത്ത് (ഷിജിനിവാസ്) ഷിജിൻ കൃഷ്ണ മരിക്കുന്നത്.

ദേശീയപാത വികസനത്തിന്റെ ഭാ​ഗമായി ഷിജിന് വീട് നഷ്ടമായിരുന്നു. പുതിയ വീടിന്റെ പണി നടക്കുന്നതിനാൽ കോഴിക്കോട് ഫ്ലാറ്റിലാണ് ഷിജിനും കുടുംബവും താമസിച്ചത്. എടവന കുളങ്ങര ക്ഷേത്രത്തിലെ ഉത്സവം കഴിഞ്ഞ് രാത്രി ഫ്ലാറ്റിലേക്ക് മടങ്ങുന്നതിനിടിയിൽ ഷിജിൻ സഞ്ചരിച്ച ബുള്ളറ്റും ടാങ്കർ ലോറിയും കൂട്ടിയിടിക്കുകയായിരുന്നു. ഷിജിനെ ഉടനെ ആശുപത്രിയിൽ എത്തിച്ചെങ്കിലും രക്ഷിക്കാനായില്ല.

കുടംബത്തോടൊപ്പം വിദേശത്താണ് ഷിജിൻ. ഏപ്രിൽ ആദ്യവാരം സഹോദരന്റെ വിവാഹമുള്ളതിനാൽ കുറച്ച് ദിവസങ്ങൾക്ക് മുമ്പാണ് നാട്ടിലെത്തിയത്. പോസ്റ്റുമോർട്ടത്തിന് ശേഷം ബന്ധുക്കൾക്ക് വിട്ടു നൽകുന്ന മൃതദേഹം ഉച്ചയ്ക്ക് ശേഷം വീട്ടുവളപ്പിൽ സംസ്ക്കരിക്കും.

Summary: native of Travancore, died in a car accident in  malikkadavu Kozhikode