നമ്പ്രത്ത്കര: നമ്പ്രത്ത്കര യു.പി.സ്‌കൂളിന്റെ നൂറാം വാര്‍ഷികാഘോഷത്തോടനുബന്ധിച്ച് പൂര്‍വ്വ വിദ്യാര്‍ത്ഥി, അധ്യാപക സംഗമം സംഘടിപ്പിക്കുന്നു. 100 ഇന പരിപാടികളോടെയാണ് നൂറാം വാര്‍ഷികം ആഘോഷിക്കുന്നത്. പൂര്‍വ്വ അധ്യാപക വിദ്യാര്‍ത്ഥി സംഗമം നവംബര്‍ 25ന് തിങ്കളാഴ്ച മൂന്നുമണി മുതല്‍ സ്‌കൂളില്‍ വെച്ച് നടക്കും.

സ്‌കൂള്‍ പൂര്‍വ്വ വിദ്യാര്‍ത്ഥി കൂടി ആയിട്ടുള്ള എം.എല്‍.എ ടി.പി രാമകൃഷ്ണന്‍ പരിപാടി ഉദ്ഘാടനം ചെയ്യും. തിരക്കഥാകൃത്തും നാടക സംവിധായകനുമായ ശിവദാസ് പൊയില്‍ക്കാവ് മുഖ്യാതിഥിയാവും. തുടര്‍ന്ന് പൂര്‍വ്വ വിദ്യാര്‍ത്ഥികളുടെ കലാപരിപാടികള്‍ അരങ്ങേറും. സ്‌കൂളിലെ എല്ലാ പൂര്‍വ്വ വിദ്യാര്‍ത്ഥികളും ഇത് ഒരു അറിയിപ്പായി പരിഗണിച്ച് പരിപാടിയില്‍ പങ്കെടുക്കണമെന്ന് സംഘാടകസമിതി അറിയിച്ചു.

Summary: Nambaratkara UP School organizes Alumni-Teachers meet on the occasion of 100th anniversary celebrations.