കാെയിലാണ്ടി: ചെങ്ങോട്ട്കാവ് പഞ്ചായത്ത് മുസ്ലിം ലീഗ് കമ്മിറ്റി മാടാക്കരയിൽ പണി കഴിപ്പിച്ച പഞ്ചായത്ത് മുസ്ലിം ലീഗ് ഓഫീസിന്റെ ഉദ്ഘാടനം സംസ്ഥാന പ്രസിഡന്റ് പാണക്കാട് സയ്യിദ് സ്വാദിഖ് അലി ശിഹാബ് തങ്ങൾ നിർവഹിച്ചു. മുസ്ലിംലീഗ് പഞ്ചായത്ത് പ്രസിഡന്റ് എ.എം ഹംസ അധ്യക്ഷത വഹിച്ചു.

നിറത്തിൻ്റെയും പേരിൻ്റെയും പേരിൽ പച്ചയ്ക്ക് വർഗ്ഗീയത വിതച്ച് ജനസമൂഹത്തിൻ്റെ കെട്ടുറപ്പ് തകർക്കാനുള്ള ഹീനശ്രമത്തിൽ നിന്ന് ബന്ധപ്പെട്ടവർ പിന്മാറണം. വടകരയുടെ പ്രത്യേക സാഹചര്യത്തിൽ അവിടെ അടിയന്തിരമായി സർവ്വകക്ഷി യോഗം
വിളിച്ച് ചേർക്കണമെന്നും പാണക്കാട് സയ്യിദ് സ്വാദിഖ് അലി ശിഹാബ് തങ്ങൾ ഉദ്ഘാടന പ്രസം​ഗത്തിൽ പറഞ്ഞു.

ചടങ്ങിൽ പഴയ കാല മുസ്ലിം ലീഗ് നേതാക്കളായ എൻ അബ്ദുല്ല, ആർ കെ റസാഖ് ഹാജി, പി.വി ഹംസ, അഹ്മ്മദ് പി വി എന്നിവരെ ആദരിച്ചു. പഞ്ചായത്ത് മുസ്ലിം യൂത്ത് ലീഗ് സംഘടിപ്പിച്ച 2024 ക്വിസ് കോംപറ്റീഷൻ സീസൺ 3 യിലെ വിജയികളെ വേദിയിൽ വെച്ച് തങ്ങൾ പ്രഖ്യാപിച്ചു.

മുസ്ലിം ലീഗ് നേതാക്കളായ പി. കെ കെ ബാവ, കെ എം ഷാജി, മിസ്ഹബ് കീഴരിയൂർ, റഷീദ് വെങ്ങളം, വി.പി ഇബ്രാഹിം കുട്ടി, സി ഹനീഫ മാസ്റ്റർ, ഫാസിൽ നടേരി, അഫ്നാസ് ചേറോട് തുടങ്ങിയവർ സംസാരിച്ചു. അലി കൊയിലാണ്ടി സ്വാഗതവും ലത്തീഫ് കവലാട് നന്ദിയും പറഞ്ഞു.