ഓര്‍മ്മകളില്‍ പ്രിയ നേതാവ്; അന്തരിച്ച മുന്‍ മന്ത്രിയായിരുന്ന എം.ടി പത്മയുടെ നിര്യാണത്തില്‍ അനുശോചനമര്‍പ്പിച്ച് മൂടാടി മണ്ഡലം കോണ്‍ഗ്രസ്സ് കമ്മിറ്റി
മൂടാടി: മുന്‍ മന്ത്രി എം.ടി പത്മയുടെ നിര്യാണത്തില്‍ അനുശോചനമര്‍പ്പിച്ച് മൂടാടി മണ്ഡലം കോണ്‍ഗ്രസ്സ് കമ്മിറ്റി. രണ്ടുതവണ കൊയിലാണ്ടിയെ പ്രതിനിധീകരിച്ച് നിയമസഭയില്‍ എത്തിയ എം.ടി പത്മയുടെ ഓര്‍മ്മകള്‍ അനുശോചന യോഗത്തില്‍ പങ്കുവെച്ചു. ഗ്രാമപഞ്ചായത്ത് മെമ്പര്‍ പപ്പന്‍ മൂടാടി ഉദ്ഘാടനം ചെയ്തു.
യോഗത്തില്‍ മണ്ഡലം വൈസ് പ്രസിഡണ്ട് രാഘവന്‍ പുതിയോട്ടില്‍ അധ്യക്ഷത വഹിച്ചു. രൂപേഷ് കൂടത്തില്‍, കൂരളി കുഞ്ഞമ്മദ്, എടക്കുടി സുരേഷ് ബാബു മാസ്റ്റര്‍, പി.വി.കെ അഷറഫ്, കെ.വി.കെ സുബൈര്‍ കാലിശ്ശേരി നാരായണന്‍ നായര്‍, പ്രേമന്‍ പ്രസാദം എന്നിവര്‍ അനുശോചനം രേഖപ്പെടുത്തി.
Summary:Mudadi Mandal Congress Committee condoles the demise of late former minister MT Padma.