ഗാന്ധി സ്മരണയില്‍; മഹാത്മ ഗാന്ധി കുടുംബ സംഗമവുമായി മൂടാടി മണ്ഡലം കോണ്‍ഗ്രസ് പ്രവര്‍ത്തകര്‍
മൂടാടി: മഹാത്മ ഗാന്ധി കുടുംബ സംഗമം നടത്തി കോണ്‍ഗ്രസ് മൂടാടി മണ്ഡലം കമ്മിറ്റി. ചിങ്ങപുരത്ത് അഞ്ചാം വാര്‍ഡില്‍ വില്ലംകണ്ടിയില്‍ വെച്ച് നടന്ന പരിപാടി ജില്ലാ പഞ്ചായത്ത് മെമ്പറും യൂത്ത് കോണ്‍ഗ്രസ്സ് സംസ്ഥാന വൈസ്പ്രസിഡണ്ടുമായ വി.പി ദുല്‍ഖിഫില്‍ ഉദ്ഘാടനം ചെയ്തു.
പുതിയോട്ടില്‍ രാഘവന്‍ അധ്യക്ഷത വഹിച്ച ചടങ്ങില്‍ രൂപേഷ് കൂടത്തില്‍, എടക്കുടി സുരേഷ് ബാബു മാസ്റ്റര്‍, രാമകൃഷ്ണന്‍ പൊറ്റക്കാട്ട്, കൂരളി കുഞ്ഞമ്മദ്, പി.വി.കെ അഷറഫ്, വീക്കുറ്റിയില്‍ രവി മാസ്റ്റര്‍, ബിജേഷ് രാമനിലയം, സി.കെ പ്രേംകുമാര്‍, പ്രജീഷ് പൊയിലില്‍,സുജാത കേളംകണ്ടത്തില്‍, അലീന വി.കെ എന്നിവര്‍ സംസാരിച്ചു.