എ.സി ഇലക്ട്രിക് കണക്ഷന്‍ ഷോര്‍ട്ട് സര്‍ക്യൂട്ട്; കാപ്പാട് വീടിനുള്ളില്‍ തീപിടിച്ചു
കൊയിലാണ്ടി: കാപ്പാട് വീടിനുള്ളില്‍ തീ പിടിച്ചു. ഇന്ന് ഉച്ചയ്ക്ക് ഒന്നരയോടെയാണ് സംഭവം. കൊയിലാണ്ടി കാപ്പാട് റോഡില്‍ സിദ്ദീഖ് പള്ളിക്ക് സമീപം താജ് ഹൗസില്‍ അസീസിന്റെ വീടിനുള്ളിലെ മുറിയിലാണ് സംഭവം.
വീട്ടിനുള്ളിലെ എ.സി ഇലക്ട്രിക് കണക്ഷന്‍ ഷോര്‍ട്ട് സര്‍ക്യൂട്ട് ആയത് കാരണം തീ കത്തുകയും പുക ഉയരുകയുമായിരുന്നു. ഉടനെ അഗ്നിരക്ഷാ സേനയെ വിവരമറിയിക്കുകയായിരുന്നു. സേന എത്തുമ്പോഴേയ്ക്കും വീട്ടുകാരും നാട്ടുകാരും ചേര്‍ന്ന് തീ അണച്ചിരുന്നു.
എ.എസ്.ടി.ഓ പി.എം അനില്‍കുമാറിന്റെ നേതൃത്വത്തില്‍ അഗ്‌നിരക്ഷാസേന സ്ഥലത്ത് എത്തികൂടുതലല്‍ അപകടമില്ലെന്ന് ഉറപ്പു വരുത്തി.
