ഓട്ടന്‍തുള്ളല്‍, വെടിക്കെട്ട്; വ്യത്യസ്ത പരിപാടികളുമായി കൊയിലാണ്ടി മിഡ്ടൗണ്‍ റെസിഡന്‍സ് അസോസിയേഷന്‍ വാര്‍ഷിക കുടുംബസംഗമം
കൊയിലാണ്ടി: മിഡ്ടൗണ്‍ റെസിഡന്‍സ് അസോസിയേഷന്‍ വാര്‍ഷിക കുടുംബസംഗമം നടന്നു. മുന്‍സിപ്പല്‍ ചെയര്‍പേഴ്‌സണ്‍ സുധ കിഴക്കേപ്പാട് പരിപാടി ഉദ്ഘാടനം ചെയ്തു. ഓട്ടന്‍ തുള്ളല്‍ തുടങ്ങി അസോസിയേഷന്‍ മെമ്പര്‍മാര്‍ അവതരിപ്പിച്ച വിവിധ കലാപരിപാടികളും വെടിക്കെട്ടും അരങ്ങേറി.
പ്രസിഡന്റ് അഡ്വ കെ.ടി ശ്രീനിവാസന്‍ അധ്യക്ഷത വഹിച്ചു. യോഗത്തില്‍ കലാമണ്ഡലം അവാര്‍ഡ് ജേതാവ് മുചുകുന്ന് പദ്മനാഭനെ ആദരിച്ചു. പി രത്‌നാവല്ലി. കെ.എസ് ഗോപാലകൃഷ്ണന്‍, സുകുമാരന്‍മാസ്റ്റര്‍, ഇ ചന്ദ്രന്‍, അംബികാത്മജ, എന്നിവര്‍ സംസാരിച്ചു.