ചെമ്മരത്തൂരില്‍ മധ്യവയസ്‌കന്‍ കനാലില്‍ വീണുമരിച്ചു; സമീപത്ത് ഓട്ടോറിക്ഷ നിര്‍ത്തിയിട്ട നിലയില്‍
ചെമ്മരത്തൂര്‍: വടകര-മാഹി കനാലില്‍ വീണ മധ്യവയസ്‌കന്‍ മരിച്ചു. ചെമ്മരത്തൂര്‍ സന്തോഷ് മുക്കിലെ തിരുവങ്ങോത്ത് അജിത് കുമാറി (50)യാണ് മരിച്ചത്. കനാലിന്റെ കോട്ടപ്പള്ളി നരിക്കോത്ത് താഴെ ഇന്ന് ഉച്ചയ്ക്ക് 3മണിയോടെയാണ് സംഭവം.
കനാലിന് സമീപത്ത് ഓട്ടോറിക്ഷ നിര്‍ത്തിയിട്ടത് കണ്ടതിനെ തുടര്‍ന്ന് നാട്ടുകാര്‍ നടത്തിയ പരിശോധനയിലാണ് അജിത് കുമാറിനെ കണ്ടെത്തിയത്. നാട്ടുകാര്‍ ഉടന്‍ തന്നെ വടകര അഗ്നിരക്ഷാസേനയെ വിവരം അറിയിച്ചു. സേന സ്ഥലത്തെത്തി ഡിങ്കി ലൈഫ് ജാക്കറ്റ് ഉള്‍പ്പെടെയുള്ള ഉപകരണങ്ങളുടെ സഹായത്തോടെ ഇയാളെ വെള്ളത്തിൽ നിന്നും പുറത്തെടുത്ത് ആംബുലൻസിൽ വടകര ജില്ലാ ആശുപത്രിയിലേക്ക് മാറ്റിയെങ്കിലും ജീവന്‍ രക്ഷിക്കാനായില്ല.
സ്റ്റേഷൻ ഓഫീസർ വിജിത് കുമാർ, സീനിയർ ഓഫീസർ ഷൈനേഷ്, മൊകേരി ഓഫീസർമാരായ സഹീർ പി.എം, റാഷിദ് എം.ടി, ബിനീഷ് ഐ, ഷിജു ടി.പി, അഗീഷ് പി, ജയകൃഷ്ണൻ, ബബീഷ് പി.എം, സുബൈർ കെ, രതീഷ് കക്കാട്ട് തുടങ്ങിയവർ രക്ഷാപ്രവർത്തനത്തിൽ എന്നിവരുടെ നേതൃത്വത്തിലായിരുന്നു രക്ഷാപ്രവര്‍ത്തനം.
Description: Middle-aged man falls into canal in Chemmarathur