നിടുമ്പൊയില്‍ ബി.കെ നായര്‍ മെമ്മോറിയല്‍ യു.പി സ്‌കൂളില്‍ കായിക മേളയ്ക്ക് തുടക്കം; കലാലയങ്ങള്‍ കായികമികവിന്റെ കേന്ദ്രങ്ങളായി മാറണമെന്ന് മേപ്പയ്യൂര്‍ സി.ഐ
മേപ്പയൂര്‍: കലാലയങ്ങള്‍ കായിക മികവിന്റെ കേന്ദ്രങ്ങളായി മാറണമെന്ന് മേപ്പയൂര്‍ സി.ഐ. പി.ജംഷീദ് പറഞ്ഞു. നിടുമ്പൊയില്‍ ബി.കെ.നായര്‍ മെമ്മോറിയല്‍ യു.പി.സ്‌കൂളിന്റെ കായികമേള ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. വിദ്യാര്‍ഥികള്‍ക്ക് അവരുടെ ഭാവി ജീവിതം ഭദ്രമാക്കുവാന്‍ കളിക്കളങ്ങള്‍ സഹായകമാവുന്നതായി അദ്ദേഹം അഭിപ്രായപ്പെട്ടു.
പി.ടി.എ പ്രസിഡണ്ട് ശശീന്ദ്രന്‍ പുളിയത്തിങ്കല്‍ അധ്യക്ഷത വഹിച്ച ചടങ്ങില്‍ ഹെഡ്മാസ്റ്റര്‍ പി.ജി.രാജീവ് സ്വാഗതമാശംസിച്ചു. ജി.കെ.കമല, കെ.എം.എ.അസീസ്, അര്‍ജുന്‍.എം തുടങ്ങിയവര്‍ ആശംസകള്‍ അര്‍പ്പിച്ച് സംസാരിച്ചു. തുടര്‍ന്ന് നടന്ന കായികമേളയില്‍ വ്യക്തിഗതയിനങ്ങളിലും ടീമിനങ്ങളിലും വിദ്യാര്‍ത്ഥികള്‍ മത്സരിച്ചു.