മേപ്പയ്യൂര്‍ ഫെസ്റ്റ് 25; ചിത്രകലാകാരന്‍മാരുടെ നേതൃത്വത്തില്‍ ഓപ്പണ്‍ ക്യാന്‍വാസ്
മേപ്പയ്യൂര്‍: മേപ്പയ്യൂര്‍ ഗ്രാമപഞ്ചായത്ത് ദേശീയ സാംസ്‌കാരികോത്സവവമായ മേപ്പയ്യൂര്‍ ഫെസ്റ്റ് 25 ന്റെ ഭാഗമായി ചിത്രകലാകാരന്‍മാരുടെ നേതൃത്വത്തില്‍ ബസ് സ്റ്റാന്റില്‍ ഓപ്പണ്‍ ക്യാന്‍വാസ് നടത്തി. ഫെിബ്രവരി 2 മുതല്‍ 9 വരെയാണ് ഫെസ്റ്റ്.
ഗ്രാമപഞ്ചായത്ത് പ്രസിഡന്റ് കെ.ടി രാജന്‍ ഉദ്ഘാടനം ചെയ്തു. ഗ്രാമപഞ്ചായത്തംഗം സറീന ഒളോറ അധ്യക്ഷയായ ചടങ്ങില്‍ വൈസ് പ്രസിഡന്റ് എന്‍.പി ശോഭ, ഭാസ്‌കരന്‍ കൊഴുക്കല്ലൂര്‍, നിഷാദ് പൊന്നം കണ്ടി, കെ.രതീഷ്, മുജീബ് കോമത്ത്, സുധാകരന്‍ പുതുക്കുളങ്ങര, എം.കെ കേളപ്പന്‍ എന്നിവര്‍ സംസാരിച്ചു.
ചിത്രകാരന്‍മാരായ സത്യന്‍ മേപ്പയ്യൂര്‍, റഹ്‌മാന്‍ കൊഴുക്കല്ലൂര്‍, സദാനന്ദന്‍ സര്‍ഗ്ഗ, രാഹുല്‍ കായലാട്, ബൈജു മേപ്പയ്യൂര്‍ എന്നിവര്‍ നേതൃത്വം നല്‍കി.