പയ്യോളിയില്‍ ട്രെയിന്‍ തട്ടി യുവാവ് മരിച്ചു
പയ്യോളി: പയ്യോളി ഹൈസ്‌കൂളിന് സമീപത്ത് തണല്‍ റോഡിനോട് ചേര്‍ന്നുള്ള റെയില്‍വേ ട്രാക്കില്‍ ട്രെയിന്‍ തട്ടി യുവാവ് മരിച്ചു. ഇന്ന് വൈകീട്ട് അഞ്ചരയ്ക്ക ശേഷമാണ് സംഭവം. കണ്ണൂര്‍ ഭാഗത്തേക്ക് പോവുകയായിരുന്ന മംഗള എക്‌സ്പ്രസ് തട്ടിയാണ് അപകടമുണ്ടായത്. ശരീരഭാഗങ്ങള്‍ ചിന്നിച്ചിതറിയതിനാല്‍ അപകടത്തില്‍ മരിച്ചയാളെ ഇതുവരെ തിരിച്ചറിയാന്‍ കഴിഞ്ഞിട്ടില്ലെന്ന് പയ്യോളി പോലീസ് കൊയിലാണ്ടി ന്യൂസ് ഡോട് കോമിനോട് പറഞ്ഞു.
എസ് ഐ സുനില്‍കുമാറിന്റെ നേതൃത്വത്തില്‍ പോലീസ് സ്ഥലത്തെത്തി മൃതദേഹം സംഭവ സ്ഥലത്തു നിന്നും നീക്കം ചെയ്തു. വടകര ഗവ താലൂക്ക് ആശുപത്രി മോര്‍ച്ചറിയിലാണ് മൃതദേഹമുള്ളത്. അപകടത്തെ തുടര്‍ന്ന് മംഗള എക്‌സ്പ്രസ് കുറച്ച് സമയം പയ്യോളിയില്‍ പിടിച്ചിട്ടു.
