മേപ്പയ്യൂര്‍ ബസ് സ്റ്റാന്റിന് സമീപം നിര്‍ത്തിയിട്ടിരുന്ന ലോറിയ്ക്ക് തീപിടിച്ചു
മേപ്പയ്യൂര്‍: ബസ് സ്റ്റാന്റിനു സമീപം നിര്‍ത്തിയിട്ടിരുന്ന ലോറിയ്ക്ക് തീപിടിച്ചു. ലോറിയുടെ കാബിനിനുള്ളില്‍ നിന്ന് പുക ഉയരുന്നത് കണ്ട് നാട്ടൂകാരുടെ നേതൃത്വത്തില്‍ തീ അണയ്ക്കാന്‍ ശ്രമം ആരംഭിക്കുകയായിരുന്നു. അരിയുമായി വന്ന ലോറിയ്ക്കാണ് തീപിടിച്ചത്.
[ad2]
മേപ്പയ്യൂര്‍ പോലീസ് വാഹനത്തിലെ ഫയര്‍ എക്സിബീറ്റര്‍ ഉപയോഗിച്ച് തീ പടരുന്നത് നിയന്ത്രിച്ചു. തുടര്‍ന്ന് പേരാമ്പ്ര ഫയര്‍ഫേഴ്സ് സ്ഥലത്തെത്തി തീ അണയിക്കുകയും ലോറി പരിശോധിക്കുകയും ചെയ്തതായി സ്റ്റേഷന് ഓഫീസര്‍ അറിയിച്ചു.
[ad1]
നിര്‍ത്തിയിട്ടിരുന്ന ലോറിയില്‍ ഭക്ഷണം പാകം ചെയ്യവെ തീപിടിച്ചതാണെന്ന് പൊലീസ് കൊയിലാണ്ടി ന്യൂസ് ഡോട് കോമിനോടു പറഞ്ഞു. പെട്ടെന്ന് തീയണയ്ക്കാന്‍ കഴിഞ്ഞതിനാല്‍ കൂടുതല്‍ അപകടമൊന്നും സംഭവിച്ചില്ല.
