കൊയിലാണ്ടിയില്‍ നിന്നും സി.പി.ഐ.എം കോഴിക്കോട് ജില്ലാ കമ്മിറ്റിയിലേയ്ക്ക് പുതുമുഖം; ഡി.വൈ.എഫ്.ഐ സംസ്ഥാന വൈസ് പ്രസിഡണ്ട് കൂടിയായ എല്‍.ജി ലിജീഷിനെ തിരഞ്ഞെടുത്തു
കൊയിലാണ്ടി: വടകരയില്‍ നടന്ന സി.പി.ഐ.എം കോഴിക്കോട് ജില്ലാ സമ്മേളനത്തില്‍ പുതിയ ജില്ലാകമ്മിറ്റിയെ തിരഞ്ഞെടുത്തു.
കൊയിലാണ്ടിയില്‍ നിന്നും സി.പി.എം ജില്ലാ കമ്മിറ്റിയിലേയ്ക്ക് എല്‍.ജി ലിജീഷിനെ തിരഞ്ഞെടുത്തു. നിലവില്‍ ഡി.വൈ.എഫ്.ഐയുടെ ജില്ലാ പ്രസിഡണ്ടും ഡി,വൈ.എഫ്.ഐയുടെ സംസ്ഥാന പ്രസിഡണ്ടുമാണ്.
ദീര്‍ഘകാലം ഡി.വൈ.എഫ്.ഐ കൊയിലാണ്ടി ബ്ലോക്ക് സെക്രട്ടറിയായിരുന്നു. അഡ്വക്കറ്റ് കൂടിയായ ലിജീഷ് സി.പി.ഐ.എം ഏരിയ കമ്മിറ്റി മെമ്പര്‍ കൂടിയാണ്. നിലവില്‍ കാലിക്കറ്റ് യൂണിവേഴ്‌സിറ്റി സിന്‍ഡിക്കേറ്റ് മെമ്പറും കൂടിയാണ് ലിജീഷ്. മുന്‍ സി.പി.ഐ.എം ഏരിയ കമ്മിറ്റി മെമ്പറും മുന്‍ നഗരസഭ വൈസ് ചെയര്‍മാനുമായ ടി. ഗോപാലന്റെ മകനാണ്.
പ്രായപരിധി കണക്കിലെടുത്ത് കൊയിലാണ്ടിയില്‍ നിന്നുള്ള മുന്‍ എം.എല്‍.എമാരായ പി. വിശ്വന്‍, കെ ദാസന്‍, തുടങ്ങിയവരെ ഒഴിവാക്കിയിട്ടുണ്ട്.