ഉയരാം ഒത്തു ചേര്‍ന്ന്; മേലടിയില്‍ പട്ടിക ജാതി വികസന വകുപ്പിന്റെ നിയമ ബോധവല്‍ക്കരണ ക്ലാസും സേവ് ക്ലബ് രൂപീകരണവും
കൊയിലാണ്ടി: കേരള സര്‍ക്കാര്‍ പട്ടിക ജാതി വികസന വകുപ്പിന്റെ സാമൂഹ്യ ഐക്യദാര്‍ണ്ഡ്യ പക്ഷാചരണം മേലടിയില്‍ സംഘടിപ്പിച്ചു. മേലടി ബ്ലോക്ക് പട്ടിക ജാതി വികസന ഓഫീസിന്റെ നേതൃത്വത്തിലാണ് പരിപാടി സംഘടിപ്പിച്ചത്. ബ്ലോക്ക് മെമ്പര്‍ സുനിത ബാബു അധ്യക്ഷം വഹിച്ചു.
പക്ഷാചരണത്തിന്റെ ഭാഗമായി നിയമ ബോധവല്‍ക്കരണ ക്ലാസും സേവ് ക്ലബ് രൂപീകരണവും സംഘടിപ്പിച്ചു. കൊയിലാണ്ടി പോലീസ് സബ്ബ് ഇന്‍സ്‌പെക്ടര്‍ ഷൈലേഷ് ബോധവല്‍ക്കരണ ക്ലാസ് എടുത്തു. ബ്ലോക്ക് പട്ടികജാതി വികസന ഓഫീസര്‍ അബ്ദുല്‍ അസീസ് ടി ഐക്യദാര്‍ഢ്യ സന്ദേശം നല്‍കി. ചടങ്ങില്‍ കവി, നാടക രചയിതാവ് നാടന്‍ പാട്ടു കലാകാരന്‍ ബാബുരാജ് കീഴരിയൂരിനെ പുരസ്‌ക്കാരം നല്‍കി ആദരിച്ചു.
ഗ്രാമ പഞ്ചായത്ത് മെമ്പര്‍ കെ.സി രാജന്‍ സ്വാഗതം പറഞ്ഞു. എസ്.സി പ്രമോട്ടര്‍ അപര്‍ണ പി.ടി നന്ദി പറഞ്ഞു.