കൊയിലാണ്ടി നഗരസഭ കേരളോത്സവം; സ്വാഗത സംഘം രൂപീകരിച്ചു
കൊയിലാണ്ടി: കൊയിലാണ്ടി നഗരസഭ കേരളോത്സവത്തിന്റെ ഭാഗമായി സ്വാഗത സംഘം രൂപീകരിച്ചു. യോഗം നഗരസഭാ ചെയര്‍ പേഴ്‌സണ്‍ സുധ കിഴക്കെപ്പാട്ട് ഉദ്ഘാടനം ചെയ്തു. നഗരസഭാ വൈസ് ചെയര്‍മാന്‍ അഡ്വ കെ.സത്യന്‍ അധ്യക്ഷത വഹിച്ചു. നഗരസഭാസ്റ്റാന്‍ഡിംഗ് കമ്മറ്റി ചെയര്‍മാരായ കെ.എ.ഇന്ദിര ടീച്ചര്‍, ഇ.കെ. അജിത്ത് മാസ്റ്റര്‍, പ്രജിലസി. കൗണ്‍സിലര്‍മാരായ എ. അസീസ് വത്സരാജ് കോളോത്ത് രമേശന്‍ വലിയാട്ടില്‍ എന്നിവര്‍ ആശംസകള്‍ നേര്‍ന്നു.
നഗരസഭാ ചെയര്‍ പേഴ്‌സണ്‍ കമ്മറ്റി ചെയര്‍പഴ്‌സണായും നഗരസഭ സെക്രട്ടറി ഇന്ദു.എസ് ശങ്കരി കെ.എ.എസ് കണ്‍വീനറായും ജനറല്‍ കമ്മറ്റി രൂപീകരിച്ചു. വിദ്യാഭ്യാസ സ്റ്റാന്‍ഡിംഗ്കമ്മറ്റി ചെയര്‍പേഴ്‌സണ്‍ നിജില പറവക്കൊടി സ്വാഗതവും നഗരസഭാ എച്ച്.ഐ പ്രദീപന്‍ മരുതേരി നന്ദിയും പറഞ്ഞു.