കൊയിലാണ്ടി: ഓതിരവും കടകവും പയറ്റി കളരിമത്സരത്തിൽ കപ്പടിച്ച് കൊയിലാണ്ടിയിലെ വിദ്യാർത്ഥികൾ. കാലിക്കറ്റ്‌ യൂണിവേഴ്സിറ്റി ഇന്റർ സോൺ കളരിപ്പയറ്റ് ചാമ്പ്യൻഷിപ്പിൽ എസ്.എ.ആർ.ബി.ടി.എം ഗവണ്മെന്റ് കോളേജ് കൊയിലാണ്ടിയും കേരള വർമ്മയും ചാമ്പ്യൻമാരായി.

കളരിപ്പയറ്റ് ചാമ്പ്യൻഷിപ്പിൽ പുരുഷ വിഭാഗത്തിൽ കൊയിലാണ്ടി ഗവ കോളേജും വനിതാ വിഭാഗത്തിൽ തൃശൂർ കേരള വർമ്മയും ചാമ്പ്യൻമാരായി. വിജയികൾക്കുള്ള എവെർ റോളിംഗ് ട്രോഫി കൊയിലാണ്ടി ഗവ കോളേജ് പ്രിൻസിപ്പൽ ഡോക്ടർ സി.വി ഷാജി സമ്മാനിച്ചു.

ഡോക്ടർ അനീഷ് ബാബു പി വി, വിപുലേഷ്, ഡോക്ടർ സിജു കെ ഡി, അനീഷ് വി ആർ, ഡോക്ടർ ജയകുമാർ, പ്രിനീഷ്, സരൺ, അതുൽ മീത്തൽ, രാജേഷ് മാധവൻ എന്നിവർ സന്നിഹിതരായിരുന്നു.