സ്വാതന്ത്ര്യ ശുചിത്വോല്‍ത്സവ പരിപാടിക്ക് തുടക്കംകുറിച്ച് കൊയിലാണ്ടി ഗവ. വൊക്കേഷനല്‍ ഹയര്‍ സെക്കന്‍ഡറി സ്‌കൂള്‍
കൊയിലാണ്ടി: സ്വാതന്ത്ര്യ ശുചിത്വോല്‍സവ പരിപാടിക്കു തുടക്കം കുറിച്ച് കൊയിലാണ്ടി ഗവ. വൊക്കേഷനല്‍ ഹയര്‍ സെക്കന്‍ഡറി സ്‌കൂള്‍. സ്‌കൂള്‍ സപ്പോര്‍ട്ട് ഗ്രൂപ്പിന്റെ ആഭിമുഖ്യത്തിലാണ് പരിപാടിക്കു തുടക്കം കുറിച്ചത്. റെയില്‍വെ സ്റ്റേഷന്‍ റോഡും സ്‌കൂള്‍മതിലോരവും ശുചീകരിക്കുകയും അലങ്കാര ചെടികള്‍ നടുകയും ചെയ്തു.
ഫയര്‍ സ്റ്റേഷന്‍ അസിസ്റ്റന്‍ഡ് ഓഫീസര്‍ പി.കെ. ബാബു ഉദ്ഘാടനം ചെയ്തു. എസ്. എസ്. ജി.ചെയര്‍മാന്‍ യു.കെ. ചന്ദ്രന്‍ അധ്യക്ഷത വഹിച്ചു. പ്രിന്‍സിപ്പാള്‍ എന്‍.വി. പ്രദീപ് കുമാര്‍ , ഹെഡ്മാസ്റ്റര്‍ കെ.കെ. സുധാകരന്‍, സപ്പോര്‍ട്ട് ഗ്രൂപ്പ് കണ്‍വീനര്‍ എം.ജി. ബല്‍രാജ് , പി.ടി.എ വൈസ് പ്രസിഡണ്ട് എ. സജീവ് കുമാര്‍, പൂര്‍വ വിദ്യാര്‍ത്ഥി ഫോറം കണ്‍വീനര്‍ എന്‍.വി. വല്‍സന്‍ എന്നിവര്‍ പ്രസംഗിച്ചു. സി. ബാലന്‍, ശ്രീലാല്‍ പെരുവട്ടൂര്‍, ജയരാജ് പണിക്കര്‍, കെ. പ്രഭാകരന്‍, കെ. ഗണേശന്‍ ,സി. അരവിന്ദന്‍ എന്നിവര്‍ നേതൃത്വം നല്‍കി.