കൂടത്താംകണ്ടി മമ്മു ഹാജി അനുസ്മരണവും പ്രാര്‍ത്ഥനാ പരിപാടിയുമായി പന്തിരിക്കര ആവടുക്ക ഹയാത്തുല്‍ ഇസ്ലാം മഹല്ല് കമ്മിറ്റി
പന്തിരിക്കര: ആവടുക്ക ഹയാത്തുല്‍ ഇസ്ലാം മഹല്ല് കമ്മിറ്റിയുടെ നേതൃത്വത്തില്‍ മുന്‍ മഹല്ല് പ്രസിഡണ്ടും സാമൂഹിക, ജീവകാരുണ്യ, ദീനീ സേവനമേഖലകളില്‍ നിറസാനിധ്യവും ആയിരുന്ന കൂടത്താംകണ്ടി മമ്മു ഹാജി അനുസ്മരണവും പ്രാര്‍ത്ഥന സദസ്സും സംഘടിപ്പിച്ചു. മഹല്ല് ഖത്തീബ് ബഷീര്‍ ബാഖവി ഉദ്ഘാടനം ചെയ്തു.
മഹല്ല് പ്രസിഡന്റ് കുരുവത്ത്കണ്ടി നാസര്‍ അധ്യക്ഷത വഹിച്ചു. പുറവൂര്‍ ഉസ്താദ് പ്രാര്‍ത്ഥനക്ക് നേതൃത്വം നല്‍കി. വി.പി.അബ്ദുറഹിമാന്‍, ഇ.കെ.കുഞ്ഞാലി ഹാജി, ടി.എം.അബ്ദുല്‍ അസീസ് എന്നിവര്‍ അനുസ്മരണ പ്രഭാഷണം നടത്തി. മുണ്ടക്കുറ്റി അബ്ദുള്ള, കെ.കെ.അബ്ദുറഹിമാന്‍, കുന്നത്ത് അസീസ്, ടി.കെ.അബ്ദുസ്സലാം, ഷരീഫ് കയനോത്ത് എന്നിവര്‍ സംബന്ധിച്ചു. മഹല്ല് സെക്രട്ടറി സുലൈമാന്‍ മാസ്റ്റര്‍ സ്വാഗതവും, എ.കെ.അബ്ദുല്‍ അസീസ് നന്ദിയും പറഞ്ഞു.