‘സഹരണ സ്ഥാപനങ്ങളിലെ ഫണ്ട് മാനേജ്‌മെന്റും ലോണ്‍ റിക്കവറിയും; ക്ലാസ് സംഘടിപ്പിച്ച് കൊയിലാണ്ടിയിലെ കേരള കോ ഓപ്പറേറ്റീവ് എംപ്ലോയീസ് യൂണിയന്‍
കൊയിലാണ്ടി: കേരള കോ-ഓപ്പറേറ്റീവ് എംപ്ലോയീസ് യൂണിയന്‍ (CITU) സംസ്ഥാന കമ്മറ്റി ആഹ്വാനമനുസരിച്ച് യൂണിയന്‍ നേതൃത്വത്തില്‍ നടക്കുന്ന ജനകീയ ക്യാമ്പയിനിന്റെ ഭാഗമായി കെ.സി.ഇ.യു കൊയിലാണ്ടി ഏരിയ കമ്മിറ്റിയുടെ നേതൃത്വത്തില്‍ ‘ സഹകരണ സ്ഥാപനങ്ങളിലെ ഫണ്ട് മാനേജ്‌മെന്റും ലോണ്‍ റിക്കവറിയും’ എന്ന വിഷയത്തില്‍ ക്ലാസ് സംഘടിപ്പിച്ചു.
കൊയിലാണ്ടി മുന്‍ എം.എല്‍.എയും പ്രമുഖ സഹകാരിയുമായ കെ.ദാസന്‍ പരിപാടി ഉദ്ഘാടനം ചെയ്തു. കെ.സി.ഇ.യു കൊയിലാണ്ടി ഏരിയ പ്രസിഡന്റ് ഇ.പി.രാഗേഷ് അദ്ധ്യക്ഷത വഹിച്ച ചടങ്ങില്‍ ഏരിയ സെക്രട്ടറി കെ.ബിജയ് സ്വാഗതം പറഞ്ഞു. യൂണിയന്‍ ജില്ലാ വൈ. പ്രസിഡന്റ് കെ.ഹനീഫ, ജില്ലാ കമ്മിറ്റി അംഗം കെ.സുനിത, ഏരിയ ട്രഷറര്‍ ശ്രീകുമാര്‍ മേലമ്പത്ത്, എം.ബാലകൃഷ്ണന്‍ എന്നിവര്‍ സംസാരിച്ചു. ജൂനിയര്‍ ഓഡിറ്റര്‍
സുബീഷ്.യു.പി ക്ലാസ് നയിച്ചു. ഏരിയ കമ്മിറ്റി അംഗം ശശി.പി.എം നന്ദി പറഞ്ഞു.
Summary: Kerala Cooperative Employees Union organizez a class