കീഴരിയൂർ: അരീക്കര പുളിയങ്ങാട്ട് മീത്തൽ പാറക്കി മീത്തൽ ഒറോക്കുന്ന് കുടിവെള്ള പദ്ധതിയുടെ ഉദ്ഘാടനം ടി. പി രാമക്യഷണൻ എം.എൽ എ നിർവ്വഹിച്ചു. പഞ്ചായത്ത് ഫണ്ടിൽ നിന്നും അനുവദിച്ച 29 ലക്ഷത്തി 25000 രൂപ ചെലവഴിച്ചാണ് പദ്ധതി യാഥാർത്ഥ്യമായത്. ഒറോക്കുന്നു കോളനിയിലെയും പുളിയങ്ങാട്ട് ഭാ​ഗത്തെയും 82 കുടുംബങ്ങൾക്ക് പദ്ധതിയിലൂടെ കുടിവെള്ളം ലഭ്യമാകും.

ചടങ്ങിൽ പഞ്ചായത്ത് പ്രസിഡണ്ട് കെ.കെ നിർമ്മല അധക്ഷത വഹിച്ചു. പഞ്ചായത്ത് വൈസ് പ്രസിഡന്റ് എൻ.എം സുനിൽ, സ്റ്റാന്റിംഗ് കമ്മറ്റി ചെയർമാൻമാരായ ഐ.സജീവൻ, അമൽസരാഗ, വാർഡ് മെമ്പർമാരായ എം സുരേഷ്, കെ സി രാജൻ, പി.കെ ബാബു കെ.പി ഭാസ്കരൻ എന്നിവർ സംസാരിച്ചു. വാർഡ് മെമ്പർ മോളി പി സ്വാഗതവും പ്രദീപൻ ടി.കെ നന്ദിയും പറഞ്ഞു.