ബാലകലോല്‍സവത്തിലും അറബിക് സാഹിത്യോല്‍സത്തിലും ഓവറോള്‍ ചാമ്പ്യന്‍ഷിപ്പ്; ഇരട്ടക്കിരീടം ചൂടി കണ്ണോത്ത് യു.പി സ്‌കൂള്‍
കീഴരിയൂര്‍: ബാലകലോല്‍സവത്തിലും അറബിക് സാഹിത്യോല്‍സത്തിലും ഓവറോള്‍ ചാമ്പ്യന്‍മ്മാരായി കണ്ണോത്ത് യുപി സ്‌കൂള്‍. ബാലകലോല്‍വത്തില്‍ എഴുപതും അറബിക് സാഹിത്യോല്‍വത്തില്‍ മുപ്പത്തി ഏഴും പോയന്റുകള്‍ നേടിയാണ് കണ്ണോത്ത് യു.പി സ്‌കൂള്‍ ഇരട്ടക്കിരീടം നേടിയത്.
കീഴരിയൂര്‍ വെസ്റ്റ് എം.എല്‍.പി സ്‌കൂള്‍ രണ്ടാം സ്ഥാനവും നമ്പ്രത്ത്കര യു.പി സ്‌കൂള്‍ മൂന്നാം സ്ഥാനവും നേടി. കലോല്‍സവം ഗ്രാമ പഞ്ചായത്ത് പ്രസിഡണ്ട് കെ.കെ നിര്‍മ്മല ഉദ്ഘാടനം ചെയ്തു. ഗ്രാമപഞ്ചായത്ത് സ്റ്റാന്‍ഡിംഗ് കമ്മറ്റി ചെയര്‍മാന്‍ ഐ.സജീവന്‍ അധ്യക്ഷത വഹിച്ചു. മേലടി എ.ഇ.ഒ ഹസീസ് പി മുഖ്യാതിഥിയായി.
വിജയികള്‍ക്ക് കീഴരിയൂര്‍ ഗ്രാമപഞ്ചായത്ത് വൈസ് പ്രസിഡണ്ട് എന്‍.എം സുനില്‍കുമാര്‍ ട്രോഫികള്‍ വിതരണം ചെയ്തു. ഗ്രാമ പഞ്ചായത്തംഗങ്ങളായ അമല്‍ സരാഗ, എം. സുരേഷ്, എച്ച്.എം ഫോറം കണ്‍വീനര്‍ സജീവന്‍ കുഞ്ഞോത്ത്, ബി.ആര്‍.സി ട്രൈനര്‍ അനീഷ് പി, സുഗന്ധി ടി.പി, ജാഫര്‍ അത്യാറ്റില്‍ എന്നിവര്‍ ആശംസകള്‍ നേര്‍ന്നു. നസീമ.എം.പി സ്വാഗതവും നാഫില ആര്‍.എം നന്ദിയും പറഞ്ഞു.
ഗ്രാമ പഞ്ചായത്ത് മെമ്പര്‍ കുറുമയില്‍ ജലജ ടീച്ചര്‍, കെ.ഗീത, സിന്‍ഷ കാരടി പറമ്പത്ത്,റഹ്‌മത്ത് പുളിയുള്ള കാരയില്‍ എന്നിവര്‍ ആശംസകള്‍ നേര്‍ന്നു. പി.ഇ.സി കണ്‍വീനര്‍ സുഗന്ധി ടി. പി സ്വാഗതവും ദൃശ്യ ദാസ് നന്ദിയും പറഞ്ഞു.