പങ്കെടുത്തത് നൂറിലധികം പേര്‍; കൈത്താങ്ങായി കാഞ്ഞിലശ്ശേരി ബോധി ഗ്രന്ഥാലയം സംഘടിപ്പിച്ച സൗജന്യ നേത്ര പരിശോധനാ ക്യാമ്പ്
ചേമഞ്ചേരി: നേത്ര പരിശോധനാ ക്യാമ്പ് സംഘടിപ്പിച്ച് കാഞ്ഞിലശ്ശേരി ബോധി ഗ്രന്ഥാലയം. കോഴിക്കോട് ബീച്ച് ആശുപത്രി, തിരുവങ്ങൂര്‍ കുടുംബാരോഗ്യ കേന്ദ്രം എന്നിവയുടെ സഹകരണത്തോടെയാണ് ക്യാമ്പ് സംഘടിപ്പിക്ക
പ്പെട്ടത്.
പന്തലായനി ബ്ലോക്ക് പഞ്ചായത്ത് പ്രസിഡണ്ട് പി.ബാബുരാജ് ഉദ്ഘാടനം ചെയ്തു. മെഡിക്കല്‍ ഓഫീസര്‍ ഡോക്ടര്‍ ഷീബ. കെ.ജെ. അധ്യക്ഷത വഹിച്ചു.ക്യാമ്പിന് ഡോക്ടര്‍ ഷീബ. കെ.ജെ, ഹെല്‍ത്ത് ഇന്‍സ്‌പെക്ടര്‍ സജീഷ്.കെ.വി എന്നിവര്‍ നേതൃത്വം നല്‍കി.
ബ്ലോക്ക് പഞ്ചായത്ത് സ്റ്റാന്റിംഗ് കമ്മിറ്റി അധ്യക്ഷ ബിന്ദു സോമന്‍, ഗ്രാമ പഞ്ചായത്ത് മെമ്പര്‍ സജിതാ ഷെറി, ബീച്ചാശുപത്രി നേത്ര രോഗ വിദഗ്ദ്ധ ഡോക്ടര്‍ ചിത്ര, ഗ്രന്ഥാലയം പ്രസിഡണ്ട് ഡോക്ടര്‍ എന്‍.വി. സദാനന്ദന്‍, ലിന്‍സണ്‍ ജോസഫ് എന്നിവര്‍ സംസാരിച്ചു.
ബി.പി, രക്തത്തിലെ പഞ്ചസാരയുടെ അളവ് എന്നീ പരിശോധന കൂടാതെ ക്യാമ്പില്‍ തിമിര രോഗ നിര്‍ണ്ണയം നടത്തിയവര്‍ക്കായി സൗജന്യ ശസ്ത്രക്രിയാ സംവിധാനം ഏര്‍പ്പാടു ചെയ്തു.
Summary: kanjilassery-bodhi-granthalaya-organized-an-eye-examination-camp.