പുതിയ വിദ്യാഭ്യാസ പ്രവണതകളെ പൊതു സമൂഹം അടുത്തറിയണമെന്ന് ഡോ.ഇസ്മാഈല്‍ മുജദ്ദിദി; എസ്.എസ്.എല്‍.സി, പ്ലസ് ടു ഉന്നത വിജയികളെ അനുമോദിച്ച് കടലൂര്‍ മുസ്ലിം അസോസിയേഷന്‍
നന്തി ബസാര്‍: മാറി വരുന്ന വിദ്യാഭ്യാസ പ്രവണതകളെ പൊതു സമൂഹം അടുത്തറിയണമെന്നും മത്സരങ്ങളുടെ കാലത്ത് സാധ്യമായ തൊഴിലുകള്‍ നേടിയെടുക്കാന്‍ ആവശ്യമായ പരിശീലനങ്ങള്‍ക്ക് അവസരമൊരുക്കണമെന്നും ഡോ. ഇസ്മാഈല്‍ മുജദ്ദിദി പ്രസ്താവിച്ചു. കടലൂര്‍ മുസ്ലിം അസോസിയേഷന്‍ സംഘടിപ്പിച്ച എസ് എസ് എല്‍ സി, പ്ലസ് ടു ഉന്നത വിജയികള്‍ക്കുള്ള അനുമോദന സംഗമം ഉദ്ഘാടനം നിര്‍വഹിച്ച് സംസാരിക്കുകയായിരുന്നു അദ്ദേഹം.
തൊഴില്‍ നൈപുണി ആര്‍ജിച്ചെടുത്താല്‍ വിദേശങ്ങളിലും നാട്ടിലും മെച്ചപ്പെട്ട അവസരങ്ങള്‍ കാത്തിരിക്കുന്നു. ആധുനിക വിവരവിനിമയ സങ്കേതങ്ങളെ അതിനായി ഉപയോഗപ്പെടുത്തണം. കടലൂര്‍ മുസ്ലിം അസോസിയേഷന്‍ നടത്തുന്ന അനുമോദന പരിപാടി പ്രശംസനീയമാണെന്നും ഇത്തരം കൂട്ടായ്മയ്ക്ക് സമൂഹത്തിന് മാര്‍ഗനിര്‍ദ്ദേശം നല്‍കുന്നതില്‍ വലിയ പങ്ക് നിര്‍വഹിക്കാനുണ്ടെന്നും അദ്ദേഹം അഭിപ്രായപ്പെട്ടു.
കെ.എം.എ പ്രസിഡണ്ട് വി.കെ.കെ.റിയാസ് അധ്യക്ഷം വഹിച്ചു. ബ്ലോക്ക് പഞ്ചായത്ത് അംഗം സുഹറഖാദര്‍, മൊയ്തു കാളിയേരി, യാക്കൂബ് രചന, റഷീദ് മണ്ടോളി, റാഫി ദാരിമി, സജ്‌ന, സി.കെ.സുബൈര്‍, അമാന മുസ്തഫ, അഷറഫ് മുക്കാട്ട്, കുഞ്ഞബ്ദുള്ള കക്കുളം, ഇസ്മായില്‍ കൊവ്വുമ്മല്‍ എന്നിവര്‍ പ്രസംഗിച്ചു.
മുഴുവന്‍ വിജയികള്‍ക്കുള്ള മെമന്റോ സിഫാദ് ഇല്ലത്ത് അനസ് ആയടത്തില്‍ മെയോണ്‍ ഖാദര്‍, ഹനീഫ നിലയെടുത്ത്, അക്ബര്‍ മുത്തായം യു.കെ ഹമീദ്, ഷെരീക്ക്, ഹമീദ് പുളിമുക്ക്, ഇബ്രാഹിം കുട്ടി എരവത്ത്, എ.കെ.മുഹമ്മദ്, എം.ടി ഫൈസല്‍ വിതരണം ചെയ്തു. ടി.കെ.നാസര്‍ നന്തി സ്വാഗതവും കെ.പി.മൂസ്സ നന്ദിയും പറഞ്ഞു.