തൊഴില്‍ അന്വേഷിക്കുകയാണോ? നിരവധി ഉദ്യോഗദായകര്‍ പങ്കെടുക്കുന്ന മെഗാ ജോബ് ഫെയര്‍ കോഴിക്കോട്, സൗജന്യ രജിസ്ട്രേഷന് തുടങ്ങി
കോഴിക്കോട്: സര്‍ക്കാറിന്റെ നൂറുദിന കര്‍മ്മപരിപാടിയുടെ ഭാഗമായി കോഴിക്കോട് ജില്ലാ എംപ്ലോയ്മെന്റ് എക്സ്ചേഞ്ചിന്റെ ആഭിമുഖ്യത്തില്‍ നിയുക്തി 2024 മെഗാ ജോബ് ഫെയര്‍ സംഘടിപ്പിക്കുന്നു. വെസ്റ്റ്ഹില്‍ ഗവ. എഞ്ചിനീയറിംഗ് കോളേജില്‍ ഒക്ടോബര്‍ അഞ്ചിനാണ് ജോബ് ഫെയര്‍ നടക്കുന്നത്.
പ്രമുഖ ഐടി കമ്പനികള്‍ ഉള്‍പ്പെടെയുളള ഉദ്യോഗദായകര്‍ പങ്കെടുക്കുന്ന ജോബ്ഫെയറിന്റെ വിവരങ്ങള്‍ അറിയുന്നതിനും രജിസ്റ്റര്‍ ചെയ്യുന്നതിനുമായി 0495-2370176, 0495-2370178 നമ്പറുകളില്‍ ബന്ധപ്പെടാം. സൗജന്യ രജിസ്ട്രേഷന് www.jobfest.kerala.gov.in സന്ദര്‍ശിക്കണം. സ്പോട്ട് രജിസ്ട്രേഷന് സൗകര്യം ഉണ്ടായിരിക്കും.