സംസ്ഥാനത്ത് ഇന്നും ശക്തമായ മഴ; കോഴിക്കോട് ഉള്‍പ്പെടെയുളള അഞ്ച് ജില്ലകളില്‍ യെല്ലോ അലര്‍ട്ട്
കൊയിലാണ്ടി: സംസ്ഥാനത്ത് ഇന്നും ശക്തമായ മഴയ്ക്ക് സാധ്യത. കോഴിക്കോട് ഉള്‍പ്പെടെ അഞ്ച് ജില്ലകളില്‍ യെല്ലോ അലേര്‍ട്ടാണ്. അറബിക്കടലില്‍ തീവ്ര ന്യൂനമര്‍ദവും ബംഗാള്‍ ഉള്‍ക്കടലില്‍ ന്യൂനമര്‍ദവും തുടരുന്ന സാഹചര്യത്തിലാണ് മഴ ശക്തമാവുന്നത്.
കോഴിക്കോട്, കണ്ണൂര്‍, തൃശ്ശൂര്‍, ആലപ്പുഴ, എറണാകുളം തുടങ്ങിയ അഞ്ച് ജില്ലകളിലാണ് ഇന്ന് യെല്ലോ അലേര്‍ട്ട് പ്രഖ്യാപിച്ചിരിക്കുന്നത്. നാളെയും സമാന തോതില്‍ മഴ പ്രതീക്ഷിക്കാം. മത്സ്യബന്ധനത്തിന് വിലക്കുണ്ട്.
അതേസമയം കഴിഞ്ഞ ദിവസങ്ങളില്‍ പെയ്ത ശക്തമായ മഴയില്‍ പലയിടത്തും വെള്ളക്കെട്ടും നാശനഷ്ടവും ഉണ്ടായി.