കൊയിലാണ്ടി: കനത്ത കാറ്റിലും മഴയിലും മരങ്ങള്‍ കടപുഴകി വീണ് വീട് തകര്‍ന്നു. കിഴക്കെചാക്യാര്‍ മഠത്തില്‍ ദാമോദര ചാക്യാരുടെ വീടാണ് തകർന്നത്. ഇന്നലെ രാത്രിയിലാണ് സംഭവം. വീട്ടുകാർ അത്ഭുതകരമായി രക്ഷപ്പെട്ടു.

വീടിന് പിറകു വശത്തെ കാവിനുള്ളിലെ രണ്ട് വലിയ മരങ്ങൾ കടപുഴകി വീടിന് മുകളിൽ പതിക്കുകയായിരുന്നു. അപകടത്തിൽ വീട് പൂര്‍ണ്ണമായും തകര്‍ന്ന നിലയിലാണ്. വീട്ടുകാർ ഉറങ്ങുന്ന സമയത്താണ് അപകടം സംഭവിച്ചതെങ്കിലും അവർ പരിക്കേൽക്കാതെ രക്ഷപ്പെട്ടു. അപകട സമയത്ത് ദാമോദര ചാക്യാരും ഭാര്യ സാവിത്രിയമ്മയുമാണ് വീട്ടിലുണ്ടായിരുന്നത്. ഇവരെ താല്‍ക്കാലികമായി അടുത്തുളള കുടുംബ വീടായ തറവാട്ടിലെക്ക് മാറ്റി.

അരിക്കുളം ഗ്രാമപഞ്ചായത്ത് പ്രസിഡന്റ് എ,എം സുഗതന്‍, വാര്‍ഡ് മെമ്പര്‍ വി.പി അശോകന്‍, എന്നിവര്‍ സ്ഥലം സന്ദര്‍ശിച്ചു. തുടര്‍ നടപടികള്‍ക്കായി യോഗം വിളിച്ചു ചേര്‍ത്തിട്ടുണ്ട്.

Summary: Heavy rain trees fell and the house collapsed