സമകാലിക പ്രസക്തമായ കവിതകള്‍ പരിചയപ്പെടുത്തി സോമന്‍ കടലൂര്‍; എഴുത്തുകാരന് ഗ്ലോബല്‍ തിക്കോടിയന്‍സ് ഫോറം യു.എ.ഇ ചാപ്റ്ററിന്റെ സ്വീകരണം
തിക്കോടി: ഹ്രസ്വ സന്ദര്‍ശനത്തിനായി യു.എ.ഇയില്‍ എത്തിയ എഴുത്തുകാരന് ഡോ:സോമന്‍ കടലൂരിന് ഗ്ലോബല്‍ തിക്കോടിയന്‍സ് ഫോറം യു.എ.ഇ ചാപ്റ്റര്‍ സ്വീകരണം നല്‍കി. നവംബര്‍ പതിമൂന്ന് ഞായറാഴ്ച്ച ഉച്ചയ്ക്ക് ബിജു പി.പിയുടെ വസതിയില്‍ വെച്ച് നടന്ന ചടങ്ങില്‍ സെക്രട്ടറി ഷാമില്‍ മൊയ്ദീന്‍ സ്വാഗതം പറഞ്ഞു. പ്രസിഡന്റ് പ്രജീഷ് തിക്കോടി അധ്യക്ഷം വഹിച്ചു.
സീനിയര്‍ അഡൈ്വസറി ചെയര്‍മാന്‍ സത്യന്‍ പള്ളിക്കര, മുന്‍ പ്രസിഡന്റ് പ്രഭാകരന്‍ പുറക്കാട്, ഇസ്മായില്‍ എന്‍.കെ, പെരുമ മുന്‍ പ്രസിഡന്റ് ഷാജി ഇരിങ്ങല്‍ എന്നിവര്‍ ചടങ്ങിനെ അഭിസംബോധന ചെയ്തു സംസാരിച്ചു. സമകാലിക പ്രസക്തമായ കവിതകള്‍ പരിചയപെടുത്തിയും സരസവും കാര്യപ്രസ്തവുമായ ഒട്ടനേകം വിഷയങ്ങള്‍ ഡോ :സോമന്‍ കടലൂര്‍ പങ്കുവെച്ചു. അദേഹത്തിന്റെ പുതിയ നോവലായ ‘പുളിയന്‍’ ജോയന്റ് സെക്രട്ടറി ബിജു.പി.പി. ഏറ്റുവാങ്ങി. ശേഷം സംഘടനയുടെ എല്ലാ എക്‌സിക്യൂട്ടീവ് മെമ്പര്‍മാരും ചേര്‍ന്ന് ഉപഹാരം നല്‍കി. ട്രഷറര്‍ ഫൈസല്‍ മന്‍സില്‍ നന്ദി പറഞ്ഞു ചടങ്ങ് പിരിച്ചു വിട്ടു