സി.പി.ഐ.എം കൊയിലാണ്ടി ഏരിയാ സമ്മേളനത്തിന് ചേമഞ്ചേരിയില്‍ പതാക ഉയര്‍ന്നു
കൊയിലാണ്ടി: സി.പി.ഐ.എം കൊയിലാണ്ടി ഏരിയാ സമ്മേളനത്തിന് കാഞ്ഞിലശേരി നായനാര്‍ സ്‌റേറഡിയത്തിലെ കോടിയേരി ബാലകൃഷ്ണന്‍ നഗറില്‍ പതാക ഉയര്‍ന്നു. മുതിര്‍ന്ന നേതാവ് കെ. ബാലകൃഷ്ണന്‍ നായര്‍ പതാക ഉയര്‍ത്തി. കെ രവീന്ദ്രന്‍ സ്വാഗതം പറഞ്ഞ യോഗത്തിന് സി. അശ്വനി ദേവ് അധ്യക്ഷനായി. കാനത്തില്‍ ജമീല എംഎല്‍എ, കെ.കെ മുഹമ്മദ്, പി. വിശ്വന്‍, കെ. ദാസന്‍, ജാഥാ ലീഡര്‍മാര്‍ എന്നിവര്‍ സംസാരിച്ചു.
കുറുവങ്ങാട് യു.കെ.ഡി അടിയോടിയുടെ വീട്ടിലെ സ്മൃതി മണ്ഡപത്തില്‍ നിന്ന് ജില്ലാ കമ്മറ്റി അംഗം പി. വിശ്വന്‍ ഉദ്ഘാടനം ചെയതു. ഏരിയാ കമ്മറ്റി അംഗം കെ ഷിജു ഏറ്റുവാങ്ങിയ ദീപശിഖ കെ. കുഞ്ഞിരാമന്‍ മാസ്റ്റര്‍ ഏറ്റുവാങ്ങി. പ്രതിനിധി സമ്മേളന നഗറിലെ രക്തസാക്ഷി മണ്ഡപത്തിനരികെ പ്രത്യേകം തയ്യാറാക്കിയ വേദിയില്‍ ഏരിയാ സെക്രട്ടറി ടി.കെ ചന്ദ്രന്‍ ദീപം ജ്വലിപ്പിച്ചു.
വിയ്യൂരില്‍ വി.പി ഗംഗാധരന്‍ മാസ്റ്ററുടെ സ്മൃതി മണ്ഡപത്തില്‍ നിന്ന് ജില്ലാ കമ്മറ്റി അംഗം കെ. ദാസന്‍ ഏറ്റുവാങ്ങി ഉദ്ഘാടനം ചെയ്തു. പതാകയും വഹിച്ചുകൊണ്ടുള്ള ജാഥ ഏരിയാ കമ്മറ്റിയംഗം എല്‍.ജി ലിജീഷാണ് നയിച്ചു.
അരിക്കുളം കുരുടി വീട് മുക്കില്‍ എം .രാമുണ്ണിക്കുട്ടിയുടെ സ്മൃതി മണ്ഡപത്തില്‍ വച്ച് ജില്ലാ സെക്രട്ടറിയേറ്റംഗം കെ.കെ മുഹമ്മദ് ഉദ്ഘാടനം ചെയ്ത കൊടിമരജാഥക്ക് ഏരിയാ കമ്മറ്റിയംഗം എ.എം സുഗതന്‍ നേതൃത്വം നല്‍കി.സമ്മേളന നഗരിയില്‍ സ്വാഗതസംഘം ചെയര്‍മാന്‍ പി ബാബുരാജ് കൊടിമരം ഏറ്റുവാങ്ങി.
ശനിയാഴ്ച രാവിലെ പൂക്കാട് ചേമഞ്ചേരി സഹകരണ ബാങ്കിലെ പി.വി സത്യനാഥന്‍ നഗറില്‍ നടക്കുന്ന പ്രതിനിധി സമ്മേളനം
ജില്ലാ സെക്രട്ടറി പി. മോഹനന്‍ ഉദ്ഘാടനം ചെയ്യും. ഞായറാഴ്ച വൈകീട്ട് പൂക്കാട് ടൗണില്‍ നിന്നാരംഭിക്കുന്ന റെഡ് വളണ്ടിയര്‍ മാര്‍ച്ചും പൊതു പ്രകടനവും കാഞ്ഞിലശേരി നായനാര്‍ സ്റ്റേഡിയത്തിലെ കോടിയേരി ബാലകൃഷ്ണന്‍ നഗറില്‍ സമാപിക്കും. തുടര്‍ന്ന് പൊതുസമ്മേളനം നടക്കും.
Summary: Flag hoisted at Chemanchery for CPI(M) koyilandy Area Conference.