കീഴരിയൂർ മീറോഡ് മലയിൽ എക്സൈസ് പരിശോധന; പിടികൂടിയത് 2015 ലിറ്റർ വാഷ്
കൊയിലാണ്ടി: കീഴരിയൂര്‍ മീറോഡ് മലയില്‍ നടത്തിയ എക്സൈസ് പരിശോധനയിൽ 2015 ലിറ്റര്‍ വാഷ് പിടികൂടി. ഇയ്യാലോല്‍ ഭാഗത്താണ് വാറ്റ് പിടികൂടിയത്.
എക്സൈസ് കമ്മീഷണര്‍ സ്‌ക്വാഡ് രഹസ്യ വിവരം ശേഖരിച്ചതിന്റെ അടിസ്ഥാനത്തിലായിരുന്നു പരിശോധന. കൊയിലാണ്ടി എക്സൈസ് പ്രിവന്റീവ് ഓഫീസര്‍ എന്‍.രാജുവിന്റെ നേതൃത്വത്തിലായിരുന്നു പരിശോധന.
താർപായ കൊണ്ട് തയ്യറാക്കിയ ടാങ്കില്‍ സൂക്ഷിച്ച നിലയിലായിരുന്നു വാഷ് എന്ന് പ്രിവന്റീവ് ഓഫീസര്‍ പറഞ്ഞു. എക്സൈസ് പ്രിവന്റീവ് ഓഫീസര്‍ അബ്ദുള്‍ ബഷീര്‍, ഗ്രേഡ് പ്രിവന്റീവ് ഓഫീസര്‍ ബാബു.പി, സിവില്‍ എക്സൈസ് ഓഫീസര്‍ വിചിത്രന്‍, സി.എം.സോനേഷ് കുമാര്‍.കെ.ആര്‍, വനിതാ സിവില്‍ എക്സൈസ് ഓഫീസര്‍ ഷൈനി .ബി.എന്‍ എന്നിവര്‍ പങ്കെടുത്തു.
