തിക്കോടിയില്‍ ദയ സ്‌നേഹതീരം ഗ്ലോബല്‍ മീറ്റ് സംഘടിപ്പിച്ചു
തിക്കോടി: ദയ സ്‌നേഹതീരം പ്രവര്‍ത്തകരായ പ്രവാസികളും കുടുംബാംഗങ്ങളുടെയും ഗ്ലോബല്‍ മീറ്റ് സംഘടിപ്പിച്ചു. പ്രവാസി സാഹിത്യകാരനായ ബഷീര്‍ തിക്കോടി ഗ്ലോബല്‍ മീറ്റ് ഉദ്ഘാടനം ചെയ്തു. നാട്ടിലെ നന്മയുടെ എല്ലാ ചലനങ്ങള്‍ക്കു പിന്നിലും പ്രവാസിയുടെ അധ്വാനത്തിന്റെ ഉപ്പു കലര്‍ന്നിരിക്കുന്നു എന്ന് ബഷീര്‍ തിക്കോടി പറഞ്ഞു.
ദയയുടെ പ്രവര്‍ത്തന പദ്ധതികളും ഭാവി പ്രോജക്ടുകളും പ്രസിഡണ്ട് ടി.വി.അബ്ദുല്‍ ഗഫൂര്‍ അവതരിപ്പിച്ചു. ജീവകാരുണ്യ പ്രവര്‍ത്തന രംഗത്ത് പ്രവാസികള്‍ ചെയ്യുന്ന സേവനങ്ങള്‍ക്ക് ദയ ഗ്ലോബല്‍ മീറ്റ് നന്ദി രേഖപ്പെടുത്തി.
വിവിധ ചാപ്റ്റര്‍ പ്രതിനിധികളായ എ.കെ. റസാഖ് ഹാജി, ടി.കെ. അബ്ദുള്‍ ഗഫൂര്‍, ഫൗസിയ വാഹിദ് (യു.എ. ഇ), മുഹമ്മദ് റാഫി എന്‍, ഷുഹൈബ് റഷീദ് (കുവൈത്ത്), നസീര്‍ എന്‍.കെ ( ഖത്തര്‍), അബ്ദുല്‍ നാസര്‍ (മക്ക),സഹദ്.കെ.കെ, അഫ്‌സല്‍ കെ.പി (ബഹറൈന്‍), വാര്‍ഡ് മെമ്പര്‍ ഉസ്‌ന.എ.വി, ബഷീര്‍ കുന്നുമ്മല്‍, റഷീദ് മണ്ടോളി, തഖ്‌വ മൊയ്തു ഹാജി, റഫീഖ് ഇ.കെ., നദീര്‍ തിക്കോടി, ദാമോദരന്‍ പുതുവോത്ത്, സബാഹ് ഇ.കെ എന്നിവര്‍ സംസാരിച്ചു.
പ്രസിഡണ്ട് ടി.വി. അബ്ദുള്‍ ഗഫൂര്‍ അധ്യക്ഷത വഹിച്ചു. കെ.ബഷീര്‍ സ്വാഗതവും കെ.പി നൗഷാദ് നന്ദിയും പറഞ്ഞു.