രക്തസാക്ഷി മണ്ഡപത്തില്‍ പുഷ്പാര്‍ച്ചനയും പുഷ്പചക്രം അര്‍പ്പിക്കലും; കൊയിലാണ്ടിയില്‍ പി.വി.സത്യനാഥന്‍ രക്തസാക്ഷിദിനാചരണവുമായി സി.പി.എം
കൊയിലാണ്ടി: സി.പി.എം കൊയിലാണ്ടി സെന്‍ട്രല്‍ ലോക്കല്‍ സെക്രട്ടറിയായിരുന്ന പി.വി.സത്യനാഥന്റെ രക്തസാക്ഷിദിനത്തില്‍ സി.പി.എം നേതൃത്വത്തില്‍ അനുസ്മരണ പരിപാടി സംഘടിപ്പിച്ചു. രാവിലെ അദ്ദേഹത്തിന്റെ വീട്ടില്‍ നടന്ന ചടങ്ങില്‍ ശവകുടീരത്തില്‍ പുഷ്പാര്‍ച്ചന നടത്തി. സി.പി.എം ജില്ലാ സെക്രട്ടറി എം.മെഹബൂബ്, പാര്‍ട്ടി സംസ്ഥാന കമ്മിറ്റിയംഗം പി.മോഹനന്‍ മാസ്റ്റര്‍, ജില്ലാ കമ്മിറ്റിയംഗം കെ.കെ.മുഹമ്മദ് എന്നിവര്‍ പുഷ്പചക്രം സമര്‍പ്പിച്ചു.
കൊയിലാണ്ടി എം.എല്‍.എ കാനത്തില്‍ ജമീല, മുന്‍ എം.എല്‍.എമാരായ കെ.ദാസന്‍, വിശ്വന്‍മാസ്റ്റര്‍, പാര്‍ട്ടി ഏരിയ സെക്രട്ടറി ടി.കെ.ചന്ദ്രന്‍ മാസ്റ്റര്‍, നഗരസഭാ വൈസ് പ്രസിഡന്റ് അഡ്വ.കെ.സത്യന്‍, ജില്ലാ കമ്മിറ്റിയംഗം എല്‍.ജി ലിജീഷ്, ഏരിയാ കമ്മിറ്റിയംഗങ്ങള്‍ തുടങ്ങിയവര്‍ പങ്കെടുത്തു. ടി.കെ.ചന്ദ്രന്‍ മാസ്റ്റര്‍ ചടങ്ങില്‍ അധ്യക്ഷനായിരുന്നു. ലോക്കല്‍ സെക്രട്ടറി പി.ചന്ദ്രശേഖരന്‍ സ്വാഗതം പറഞ്ഞു.
23 ന് വൈകീട്ട് 4ന് പെരുവട്ടൂര്‍മുക്കില്‍ റെഡ് വളണ്ടിയര്‍ മാര്‍ച്ചും പൊതു പ്രകടനവും പൊതുസമ്മേളനവും നടക്കും. മന്ത്രി പി.എ.മുഹമ്മദ് റിയാസ് അനുസ്മരണ സമ്മേളനം ഉദ്ഘാടനം ചെയ്യും. സംസ്ഥാന കമ്മറ്റിയംഗം എ.എ റഹീം മുഖ്യ പ്രഭാഷണം നടത്തും. ജില്ലാ സെക്രട്ടറി എം. മെഹബൂബ്, കാനത്തില്‍ ജമീല എം.എല്‍.എ, എല്‍.ജി ലിജീഷ്, പി. വിശ്വന്‍, കെ.ദാസന്‍, ഏരിയാ സെക്രട്ടറി ടി.കെ.ചന്ദ്രന്‍ തുടങ്ങിയവര്‍ പങ്കെടുക്കും.
സി.പി.എമ്മിന്റെയും കര്‍ഷക തൊഴിലാളി യൂനിയന്റേയും നേതൃത്വപരമായ പ്രവര്‍ത്തനങ്ങളില്‍ പങ്കെടുത്തു കൊണ്ടിരിക്കേയാണ് അദ്ദേഹം ഒരു വര്‍ഷം മുന്‍പ് കൊല്ലപ്പെടുന്നത്.