”അരിയെവിടെ സര്‍ക്കാരെ” ; റേഷന്‍ സംവിധാനം അട്ടിമറിച്ചതിനെതിരെ കൊയിലാണ്ടിയില്‍ കോണ്‍ഗ്രസിന്റെ പ്രതിഷേധ ധര്‍ണ്ണ
കൊയിലാണ്ടി: റേഷന്‍ സംവിധാനം അടിമറിച്ചതിനെതിരെ, റേഷന്‍ കടകള്‍ കാലി – അരിയെവിടെ സര്‍ക്കാരെ എന്ന മുദ്രാവാക്യവുമായി കോണ്‍ഗ്രസ്സ് നേതൃത്വത്തില്‍ കൊയിലാണ്ടി താലൂക്ക് സപ്ലൈ ഓഫീസിനു മുമ്പില്‍ പ്രതിഷേധ ധര്‍ണ്ണ നടത്തി. കെ.പി.സി.സി മെമ്പര്‍ കെ.രാമചന്ദ്രന്‍ മാസ്റ്റര്‍ ഉദ്ഘാടനം ചെയ്തു. കൊയിലാണ്ടി ബ്ലോക്ക് കോണ്‍ഗ്രസ്സ് കമ്മിറ്റി പ്രസിഡണ്ട് എന്‍.മുരളീധരന്‍ തൊറോത്ത് അദ്ധ്യക്ഷത വഹിച്ചു.
കെ.പി.സി.സി മെമ്പര്‍മാരായ പിരത്‌നവല്ലി ടീച്ചര്‍, മഠത്തില്‍ നാണു മാസ്റ്റര്‍, സി.സി.സി. ജനറല്‍ സെകട്ടറിമാരായ കെ. അശോകന്‍ മാസ്റ്റര്‍, അഡ്വ.കെ.വിജയന്‍, രാജേഷ് കീഴരിയൂര്‍, ബ്ലോക്ക് കോണ്‍ഗ്രസ്സ് കമ്മിററി പ്രസിഡണ്ടുമാരായ കെ.ടി. വിനോദന്‍, കെപി. രാമചന്ദ്രന്‍ മാസ്റ്റര്‍, വി.ടി. സുരേന്ദ്രന്‍, കെ.പി.വിനോദ് കുമാര്‍, ഇ.എം. ശ്രീനിവാസന്‍ എന്നിവര്‍ പ്രസംഗിച്ചു.
രജീഷ് വെങ്ങളത്ത് കണ്ടി, അരുണ്‍ മണമല്‍, വി.പി. പ്രമോദ്, ഷബീര്‍ എളവന ക്കണ്ടി, അനില്‍ പാണലില്‍, ചെറുവക്കാട്ട് രാമന്‍, ഉണ്ണികൃഷ്ണന്‍ കളത്തില്‍, കെ.വി.റീന, കെ.എം. ഉണ്ണികൃഷ്ണന്‍, സി.പി.മോഹനന്‍, കെ.എം. സുമതി, മോഹനന്‍ നമ്പാട്ട്, ഷീബ അരീക്കല്‍, പി.പി. നാണി, എം.പി. ഷംനാസ് എന്നിവര്‍ നേതൃത്വം നല്കി.