നന്തി ബസാര്‍ ഒടിയില്‍ കുറൂളിക്കുനി റോഡിന് സമീപത്തെ വയലില്‍ കക്കൂസ് മാലിന്യം തള്ളിയതായി പരാതി
കൊയിലാണ്ടി: നന്തി ബസാര്‍ ഒടിയില്‍ കുറൂളിക്കുനി ഭാഗത്തേക്കുള്ള റോഡരികിലെ വയലില്‍ കക്കൂസ് മാലിന്യം തള്ളിയതായി പരാതി. ജനുവരി 30ന് പുലര്‍ച്ചെ 3മണിയോടെയാണ് സംഭവം.
വയലില്‍ കക്കൂസ് മാലിന്യം കണ്ടതോടെ നാട്ടുകാര്‍ സമീപത്തുള്ള മാര്‍ബിള്‍ കടയിലെ സിസിടിവി ദൃശ്യങ്ങള്‍ പരിശോധിച്ചു. തുടര്‍ന്ന് 30ന് പുലര്‍ച്ചെ വയലിന് സമീപത്തായി ആദ്യം ഒരു കാര്‍ വന്ന് സ്ഥലം നോക്കി പോവുന്നതും പിന്നാലെ ഒരു ടാങ്കര്‍ ലോറി വരുന്നത് കാണാന്‍ സാധിച്ചു. എന്നാല്‍ രണ്ട് വാഹനങ്ങളുടെ നമ്പര്‍ പ്ലേറ്റ് തിരിച്ചറിയാന്‍ സാധിച്ചിട്ടില്ല.
നാട്ടുകാര്‍ വിവരമറിയിച്ചതിനെ തുടര്‍ന്ന് പഞ്ചായത്ത് അധികൃതര്‍ സ്ഥലം സന്ദര്‍ശിച്ച് ക്ലോറിനേഷന്‍ നടത്തി. തുടര്‍ന്ന് പ്രദേശവാസികള്‍ പോലീസില്‍ പരാതി നല്‍കി.
ദൃശ്യങ്ങള്‍ കാണാം