കൊയിലാണ്ടി: എസ്.എസ്.എൽ.സി, പ്ലസ് ടു പരീക്ഷയിൽ ഉന്നത വിജയം നേടിയ കുട്ടികൾക്ക് അഭിനന്ദനവുമായി ചെന്താര വായനശാല. മന്ദമംഗലത്തെയും സമീപപ്രദേശത്തെയും ഉന്നത വിജയം കരസ്ഥമാക്കിയ വിദ്യാർത്ഥികളെയാണ് വായനശാല ആദരിച്ചത്. ആർ ശങ്കർ മെമ്മോറിയൽ എസ്.എൻ.ഡി.പി കോളേജിലെ പ്രിൻസിപ്പൽ ഡോക്ടർ സുജേഷ് ഉദ്ഘാടനം ചെയ്തു.

കഴിഞ്ഞ കുറെ വർഷങ്ങളായി തന്റെ പിറന്നാൾ ദിനത്തിൽ സമ്മാനമായി ചെന്താര വായനശാലയ്ക്ക് പുസ്തകം നൽകുന്ന നീലാംബരിയെയും ചടങ്ങിൽ പ്രത്യേകമായി ആദരിച്ചു. പ്രസിഡണ്ട് ഷാജി പി.സി.കെ യോഗത്തിൽ അധ്യക്ഷത വഹിച്ചു.

കുട്ടികൾക്കായി പ്രത്യേക മോട്ടിവേഷൻ ക്ലാസ്സുകളും ഒരുക്കിയിരുന്നു. ബാലകൃഷ്ണൻ മാസ്റ്റർ, കൗൺസിലർ സുമേഷ്, എൻ.പി വിശ്വനാഥൻ എന്നിവർ ആശംസ അർപ്പിച്ചു. സെക്രട്ടറി പി.കെ അശോകൻ സ്വാഗതവും അജിത നന്ദിയും പറഞ്ഞു.