23ന്റെ നിറവില്‍ ചെങ്ങോട്ടുകാവ് വോയ്സ് ഓഫ് ഗെയ്റ്റ് ആര്‍ട്‌സ് ആന്റ് സ്‌പോര്‍ട്‌സ് ക്ലബ്; വാര്‍ഷികാഘോഷത്തിന് മാറ്റ് കൂട്ടി സെവന്‍സ് ഫുട്‌ബോള്‍ മത്സരങ്ങള്‍
കൊയിലാണ്ടി: വോയ്സ് ഓഫ് ഗേറ്റ് ആർട്സ് & സ്പോർട്സ് ക്ലബ് ചെങ്ങോട്ടുകാവിന്റെ 23-)മത് വാര്‍ഷികത്തോടനുബന്ധിച്ച് നടന്ന അണ്ടർ 16 സെവൻസ് ഫുട്ബോൾ ടൂർണമെന്റിൽ വിജയികളായി ആര്‍വൈബിഎഫ്എ (RYBFA) അത്തോളി. സെവൻ സ്പോർട്സ് അക്കാദമി കുന്നമംഗലത്തിനാണ് റണ്ണറപ്പ്‌.
പരിപാടിയില്‍ പങ്കെടുത്തവർക്കുള്ള സമ്മാനദാനം പന്തലായനി ബ്ലോക്ക് പഞ്ചായത്ത് പ്രസിഡന്റ്‌ പി.ബാബുരാജ് നിർവഹിച്ചു. ചടങ്ങിൽ ബ്ലോക്ക് പഞ്ചായത്ത് മെമ്പർ ഇ.കെ ജുബീഷ് പങ്കെടുത്തു.
ക്ലബ്ബ് സെക്രട്ടറി പി.വിനോദ്, പ്രസിഡന്റ്‌ ബൈജു പെരുമ്പിൽ, എക്സിക്യൂട്ടീവ് മെമ്പർമാർ, ആഘോഷ കമ്മിറ്റി അംഗങ്ങൾ തുടങ്ങിയവര്‍ പരിപാടിയില്‍ പങ്കെടുത്തു. 30ന് നടക്കുന്ന വാര്‍ഷികാഘോഷം പ്രശസ്ത സിനിമ നാടകനടൻ അലി അരങ്ങാടത്ത് ഉദ്ഘാടനം ചെയ്യും. തുടർന്ന് പ്രാദേശിക കലാകാരന്മാര്‍ ഒരുക്കുന്ന വിവിധ കലാപരിപാടികളും കരോക്കെ ഗാനമേളയും അരങ്ങേറും.